Figueiras, Santiago de Compostela
Santa María de Figueiras é unha parroquia que se localiza no concello de Santiago de Compostela. Segundo o IGE en 2013 tiña 995 habitantes (500 mulleres e 495 homes) distribuídos en 12 entidades de poboación, o que supón un aumento en relación ao ano 1999 cando tiña 927 habitantes.
| Figueiras | |
|---|---|
 Cemiterio de Figueiras. | |
| Concello | Santiago de Compostela[1] |
| Provincia | A Coruña |
| Coordenadas | 42°53′20″N 8°34′41″O / 42.88888889, -8.57805556 |
| Área | 9,87 km² |
| Poboación | 1016 hab. (2019) |
| Densidade | 102,94 hab./km² |
| Entidades de poboación | 12[1] |
| [ editar datos en Wikidata ] | |
Xeografía
editarA freguesía de Figueiras está dominada polos montes da Cova e de Correxíns. O clima é morno e posúe bos terreos de cultivo, especialmente logo da concentración parcelaria.
Historia
editarA principios do século XX tiña case que seiscentos fregueses. A súa poboación foi medrando polo éxito do cultivo do millo, xa que a principios do século XVII, segundo fai constar o cardeal Jerónimo del Hoyo nas súas Memorias do Arcebispado de Santiago, na parroquia de Santa María de Figueiras so residían trinta fregueses que pagaban con centeo e pan os seus décimos á igrexa de Santiago.
Era unha das primeiras paradas no camiño tradicional para Portomouro.
Patrimonio
editarA súa igrexa parroquial conserva interesantes pinturas murais.
Nesta parroquia, no lugar de Codesedas, atópase o castro de Marmancou, que presenta plataformas defendidas por muros de cachotería. O viaxeiro británico Howes escribiu en 1925 no relato da súa viaxe a Compostela sobre este castro e outro situado en Fecha. Neste castro apareceu abonda cerámica castrexa e tamén romana.
No lugar de Correxíns consérvanse gravados rupestres da mesma maneira que na aldea de Folgoso onde aparece unha laxe parcialmente destruída pero con varias coviñas, ou cazoletas, que poderían ser unha representación de Orión.
Galería de imaxes
editar- Artigo principal: Galería de imaxes de Figueiras, Santiago de Compostela.
-
Santa María de Figueiras.
Lugares e parroquias
editarLugares de Figueiras
editar| Lugares da parroquia de Figueiras no concello de Santiago de Compostela | |
|---|---|
|
Codesedas | Correxíns | A Cova | Folgoso | A Fontecova | Marmancou | As Moas de Abaixo | As Moas de Arriba | Piñor | A Portela | Vrins | Xulacasa |