Festa da Maruxaina

A festa da maruxaina é unha festa de interese turístico que se celebra cada verán na localidade galega de San Cibrao, en Lugo.

Festa da Maruxaina
Lugar da festa
Datos da festa
Lugar	San Cibrao
Comezo	1985
Data	segundo sábado de agosto
País	Galiza
Concello	Cervo
Parroquia	Lieiro
Comisión da festa	Amigos da Maruxaina

Escultura A Maruxaina feita por Ánxel Cao, inmaugurada en 2006.

A festa da Maruxaina, que se celebra o segundo sábado de agosto, é un agradecemento popular a canto significa e produce o mar. Para iso, conta a lenda, que na costa lucense, en fronte de San Cibrao, existe un castelo baixo a auga onde habita unha serea. Uns din que a serea é boa e que emprega a súa sabedoría para avisar e librar ós mariñeiros das inclemencias do mar. Porén, outros coidan que a serea é mala e que emprega os seus encantos para enfeitizar e encandear ós mariñeiros, e que estes se perdan no mar e pasen o resto dos seus días na súa compañía.

Portada polos mariñeiros, terá o seu xuízo na praia do Torno. É unha comitiva na que todos participan con candeas e farois para axustizar e posteriormente dependendo de se é inocente ou non, impartirlle o seu destino. Se é declarada inocente, o pobo concédelle o indulto á difamada serea e a festa continúa cunha gran queimada, se é culpable, préndenlle lume mentres berran entre músicas e cánticos.

Isto pon punto final a este encontro na praza da vila.

Actividades

A vila acolle multitude de actividades para todas as idades, dende un concurso previo para elixir o cartel oficial, até o canonazo inaugural, pasarrúas, charangas, degustacións gastronómicas, o recoñecemento ao "Maruxaino de Honra" que honra a quen promove a festa ou contribúe ao seu coñecemento, xogos populares e infantís, feira de artesanía o "Gran Xuízo Popular" á Maruxaina.

Véxase tamén

• Maruxaina
• Mitoloxía galega
• Ninfa
• Serea

Ligazóns externas

• Información en Amigos da Maruxaina
• Información en Galicia en Festas