Fernando Pavón
Fernando Pavón Losada, nado en Monforte de Lemos o 3 de marzo de 1928 e finado o 17 de marzo de 1985, foi un futbolista galego, que xogaba de defensa.
| Pavón | |||
|---|---|---|---|
| Información persoal | |||
| Nome | Fernando Pavón Losada | ||
| Nacemento | 3 de marzo de 1928 | ||
| Lugar de nacemento | Monforte de Lemos | ||
| Falecemento | 17 de marzo de 1985 | ||
| Posición | Defensa | ||
| Carreira sénior | |||
| Anos | Equipos | Aprs | (Gls) |
| 1945– | Lemos | ||
| Centro Aragonés | |||
| Bonanova | |||
| 1950–1951 | Fabril | ||
| 1951–1952 | Xuvenil | ||
| 1952–1955 | Deportivo da Coruña | 4 | (0) |
| 1953–1954 | → Caudal | 16 | (0) |
|
Partidos e goles só en liga doméstica. [ editar datos en Wikidata ] | |||
Traxectoria editar
Comezou a xogar ao fútbol en equipos modestos de Monforte, pasando logo ao Lemos,[1] co que debutou en decembro de 1945.[2] Posteriormente residiu en Barcelona, onde xogou no Centro Aragonés de Sarrià e no Bonanova. Destinado na Coruña para realizar o servizo militar,[1] ingresou nas filas do Fabril, onde coincidiu entre outros con Carlos Torres e Arsenio.[3] Xogou a continuación no Xuvenil e en 1952 fichou polo Deportivo da Coruña.
Debutou co Deportivo na primeira xornada da tempada 1952/53 da Primeira División, contra o FC Barcelona no campo de Les Corts, formando no medio do campo xunto con Cuenca.[4] Disputou un total de catro encontros esa tempada, saíndo cedido na seguinte ao Caudal de Mieres, da Segunda División, xunto ao gardameta Alonso.[5] Disputou 16 encontros co club asturiano, onde tivo como adestrador a Cuqui Bienzobas e onde coincidiu con outros futbolistas galegos como Seijas, Regueira e Fernández. Regresou ao Deportivo para a tempada 1954/55 pero non contou con minutos no equipo adestrado por Toba, deixando o club en xuño de 1955.[6]
Notas editar
- ↑ 1,0 1,1 "Fernando Pavón Losada, otro do los nuevos jugadores del C. D. Juvenil". La Voz de Galicia (en castelán). 7 de novembro de 1951. p. 5.
- ↑ "Lemos, 0; Turista, 1". El Pueblo Gallego (en castelán) (6949). 4 de decembro de 1945. p. 5. Consultado o 10 de febreiro de 2022.
- ↑ Leirachá, Vicente (6 de abril de 1951). "El Fabril venció al Polvorín por 4-1". La Voz de Galicia (en castelán).
- ↑ "El Deportivo dió mucha guerra en las Corts". El Pueblo Gallego (en castelán) (9604). 16 de setembro de 1952. p. 4. Consultado o 10 de febreiro de 2022.
- ↑ "Pavón y Alonso, al Caudal de Mieres". La Voz de Galicia (en castelán). 30 de xullo de 1953. p. 5.
- ↑ "Jugadores del Deportivo que se van". La Noche (en castelán). 20 de xuño de 1955. p. 2. Consultado o 10 de febreiro de 2022.
Véxase tamén editar
Ligazóns externas editar
- Datos do xogador en BDFutbol (en castelán).