Frederico Carlos de Hesse-Kassel
Frederico Carlos de Hesse-Kassel, nado o 1 de maio de 1868 en Panker, Holstein, Reino de Prusia e finado o 28 de maio de 1940 en Kassel, foi un príncipe alemán de Hesse. Frederico Carlos era fillo do príncipe Frederico de Hesse-Kassel e Ana de Prusia. Foi elixido rei de Finlandia o 9 de outubro de 1918, pero nunca subiu ao trono debido a que Alemaña perdeu a primeira guerra mundial. O emperador Guillerme II de Alemaña era o seu cuñado.
| Frederico Carlos de Hesse-Kassel | |
|---|---|
| Rei de Finlandia | |
 | |
| Reinado | 9 de outubro de 1918 - 4 de decembro de 1918 |
| Coroación | non se produciu |
| Nome completo | Frederico Carlos de Hesse-Kassel |
| Outros títulos | Rei de Karelia, Duque de Åland, Gran Príncipe de Laponia e Conde de Kaleva e o Norte |
| Nacemento | 1 de maio de 1868 Panker, Holstein, .svg){kind=small} Reino de Prusia |
| Falecemento | 28 de maio de 1940 (72 anos) Kassel, .svg){kind=small} Alemaña |
| Consorte | Margarida de Prusia |
| Casa real | Hesse-Kassel |
| Proxenitores | Frederico de Hesse-Kassel Ana de Prusia |
.svg) | |
| Na rede | |
 | |
Matrimonio e descendencia editar
Casou coa princesa Margarida de Prusia e tiveron seis fillos, todos varóns.
Na época da voda, o príncipe Frederico Carlos non era aínda a cabeza da Casa de Hesse-Kassel. Este título foille outorgado cando o seu irmán máis vello Alexandre Frederico abdicou para casar cunha plebea. O trato do príncipe Frederico foi ascendido ao de Alteza, en canto o de Margarida o foi ao de Alteza Real.
Os seus fillos foron (houbo dous pares de xemelgos):
- Frederico de Hesse-Kassel (1893-1916). Morto na primeira guerra mundial.
- Maximiliano de Hesse-Kassel (1894-1914). Morto na primeira guerra mundial.
- Filipe de Hesse-Kassel (1896-1980). Casado coa princesa Mafalda de Savoia.
- Wolfgang de Hesse-Kassel (1896-1989). Xemelgo co anterior. Casado coa princesa María Alexandra de Baden. Sen descendencia.
- Ricardo de Hesse-Kassel (1901-1943). Faleceu solteiro e sen descendencia.
- Cristovo de Hesse-Kassel (1901-1943). Xemelgo co anterior. Casado coa princesa Sofía de Grecia e Dinamarca. Con descendencia. Morto na segunda guerra mundial.