Fecal Matter

Fecal Matter foi unha banda estadounidense de punk rock de curta vida procedente de Aberdeen, Washington e formada en 1985 por Kurt Cobain, o futuro líder de Nirvana, e Dale Crover de The Melvins. Posteriormente entrarían no grupo outros membros dos Melvins como Buzz Osborne e Mike Dillard, que só estiveron durante un breve período de tempo en 1986.

Fecal Matter
OrixeAberdeen, Washington, Flag of the United States.svg
Período1985 - 1986
Xénero(s)punk rock, grunge, noise rock
MembrosKurt Cobain
Dale Crover
Greg Hokanson
Buzz Osborne
Mike Dillard
Artistas relacionadosNirvana, Melvins

A única gravación da banda, a cinta demo Illiteracy Will Prevail, a día de hoxe aínda non foi publicada oficialmente, coa excepción da canción "Spank Thru". Porén, partes filtradas da casete están dispoñibles en distintas páxinas de internet.

HistoriaEditar

A banda formárona a principios de 1985 o guitarista e vocalista Kurt Cobain, que acababa de ser expulsado do instituto, o baixista Dale Crover e o batería Greg Hokanson.[1] O grupo pasou varios meses ensaiando material orixinal e versións, incluídas cancións de Ramones, Led Zeppelin e Jimi Hendrix,[2][3] antes de que Hokanson marchase en decembro.

Pouco despois, Cobain e Crover foron á casa da tía de Kurt, Mari Earle, en Burien para gravar a demo Illiteracy Will Prevail nun gravador de 4 pistas.[1] Non se sabe con seguridade a data da gravación; Michael Azerrad asegurou que foi en decembro de 1985 no su libro Come as You Are: The Story of Nirvana,[1] mentres que Gillian Gaar defende que é máis probable que fose na Semana Santa de 1986 no seu libro Entertain Us!: The Rise of Nirvana.[2] Crover encargouse tanto do baixo como da batería, e a parella gravou 13 temas orixinais en total, que Cobain posteriormente recordou como un xconxunto de cancións punk "totalmente abrasivas" que reflexaban o seu interese por Black Sabbath e Black Flag.[2]

Posteriormente en 1986, Buzz Osborne e Mike Dillard uníronse ao grupo tocando o baixo e a batería respectivamente. Esta encarnación só ensaiou durante moi pouco tempo; no libro de Michael Azerrad Come as You Are: The Story of Nirvana, Cobain fala da súa frustración con Osborne por non ter tomado o suficientemente en serio a banda e que non mercase un amplificado de baixo.

DiscografíaEditar

  • Illiteracy Will Prevail

NotasEditar

  1. 1,0 1,1 1,2 Azerrad, Michael. (1993). Come as you are : the story of Nirvana (1st ed ed.). New York: Doubleday. ISBN 0-385-47199-8. OCLC 28067126. 
  2. 2,0 2,1 2,2 Gillian G. Gaar. Entertain Us!: The Rise of Nirvana Penguin, 2012
  3. Gillian G. Gaar. The Rough Guide to Nirvana. Penguin, 1993