Febe (mitoloxía)

Para outras páxinas con títulos homónimos véxase: Febe.

Na mitoloxía grega, Febe (en grego antigo Φοίβη, Phœbē, que significa 'brillo', era unha das Titánides, filla de Urano (o Ceo) e Xea (a Terra). Hesíodo descríbea como coroada de ouro . Outros epítetos que se lle aplican son a áurea Febe ou Febe a brillante.

Febe

Celebración	Relixión da Grecia antiga
Familia
Cónxuxe	Ceo
Fillos	Astéria (pt) , Aphirape (en) , Lelantos (en) , Latona (en) , Leto
Pais	Urano   e Xea

Febe no relevo do Altar de Pérgamo que representa a Xigantomaquia

Mitoloxía

Casou con Ceo, con quen tivo dúas fillas: Leto e Asteria. Leto uniuse a Zeus e procreou a Apolo e Artemisa.

"Febe, pola súa parte, acudiu ó moi amado leito de Ceo; logo a deusa, tras quedar embarazada, deu a luz a Leto, de escuro peplo, sempre suave... Tamén pariu á famosa Asteria, á que en certa ocasión Perses levou á súa gran casa para facela a súa esposa".

(Hesíodo: Teogonía 404-411)

Recibiu de Temis o control do oráculo de Delfos, e posteriormente regalouno a Apolo no seu aniversario .

Outros

Co nome de Febe coñécese tamén unha filla de Leucipo de Mesenia, esposa de Pólux; e unha das fillas de Helio (o Sol).

Véxase tamén

Bibliografía

• ELVIRA BARBA: Miguel Ángel: Arte y mito. Manual de iconografía clásica. Sílex, 3ª ed. 2017.
• GRIMAL, Pierre: Diccionario de mitología griega y romana. Ed. Paidós, 1981.
• HESÍODO: Teogonía. Trabajos y días. Escudo. Certamen, Alianza Editorial, 3ª ed., 2013 [a numeración segue a utilizada neste texto]
• Hesíodo. Teogonía. Universidad de Salamanca. Curso 2009-2010. 11638: LUZ, MOLÉCULAS Y VIDA.
• Pseudo-Apolodoro: Biblioteca mitolóxica, Alianza editorial. 3 ed. 2016.