Fanta

Fanta é unha marca e empresa de bebidas refrescantes propiedade de Coca-Cola. Os sabores máis coñecidos son os de limón e laranxa aínda que hai máis de 70 sabores, con variantes para mercados locais. Véndese en formato botella de plástico e lata. Existe o formato botella de vidro para hostalería e o xarope concentrado para surtidor ao que se engade auga e gas.

Fanta
Botella de Fanta.
Fundación	1940 Alemaña
Matriz	The Coca-Cola Company
Fundador	Max Keith
Industria	Alimentación
Produtos	Sabores de refresco
Páxina web	fanta.es
[ editar datos en Wikidata ]

Historia

As orixas da marca están nos inicios da Segunda Guerra Mundial. Co bloqueo económico a fábrica de Coca-Cola en Alemaña quedou allida da empresa dos Estados Unidos. Non tendo acceso ás materias primas necesarias para fabricar Coca-Cola, polo que decidiron sacar un produto alternativo cas materias ás que tiñan acceso.

O nome da empresa veu dun concurso interno no que se pedía aos traballadores que propuxeran un novo nome deixando voar a súa Fantasía, en alemán Fantasie. Do cal xurdiu Fanta.

Rematada a Segunda Guerra Mundial Coca-Cola recuperaría o control das súas fábricas en Alemaña e continuaría coa produción de Fanta. En 1961, chegaría a España o sabor a laranxa e en 1962 o sabor a limón.

Ingredientes

Botella clásica de Fanta, reproducida no seu 75 aniversario.

Os ingredientes varian duns países a outros, a receta básica contén:

• Fanta laranxa: auga carbonatada, azucre, zume de laranxa 8% en España (de concentrado), aromas, acidulante E330, conservante E211, antioxidante E300, estabilizante E412 e colorante E160a.

A diferenza das variedades europeas, en Latinoamérica non contén zume de laranxa nin polpa, coma a Fanta comercializada en Europa similar á Orangina, Mirinda, Kas ou TriNa.

• Fanta limón: Auga carbonatada, sucre, 6% de zume de limón, aromas, acidulante E330, conservante E211, antioxidante E300, estabilizante E414, estabilizante E445 e colorante E104.

Hai estudos que indican que o colorante E104, chamado amarelo de quinoleína, incrementa a hiperactividade dos nenos e causa dermatite. O uso deste colorante está prohibido nos Estados Unidos, Australia, o Xapón e Noruega. Conter E104 é unha das causas polas que non existe Fanta Limón en numerosos países.