Ezekiel Kemboi
Ezekiel Kemboi Cheboi, nado en Matira o 25 de maio de 1982, é un atleta kenyano especializado na disciplina dos 3.000 metros obstáculos, acadando o título mundial da especialidade nos mundiais de Berlín en 2009 e Daegu en 2011, así como o campionato nos Xogos Olímpicos de Atenas 2004 e Londres 2012.
  | |
| Nome orixinal | (en) Ezekiel Kemboi Cheboi |
|---|---|
| Biografía | |
| Nacemento | 25 de maio de 1982 (41 anos) Marakwet District, Kenya (en)  |
| Datos persoais | |
| País de nacionalidade | Kenya |
| Altura | 167 cm |
| Peso | 52 kg |
| Actividade | |
| Ocupación | steeplechase runner (en) , atleta |
| Lingua | Lingua inglesa |
| Nacionalidade deportiva | Kenya |
| Deporte | atletismo |
| Disciplina deportiva | corridas com obstáculos (pt) |
| Participou en | |
| 2016 | Atletismo nos Jogos Olímpicos de Verão de 2016 (pt) |
| 2014 | Jogos da Commonwealth de 2014 (pt) |
| 2012 | Xogos Olímpicos de 2012 |
| 2010 | Jogos da Commonwealth de 2010 (pt) |
| 2008 | Xogos Olímpicos de 2008 |
| 15 de marzo de 2006 | Jogos da Commonwealth de 2006 (pt) |
| 2004 | Xogos Olímpicos de 2004 |
| 2002 | Jogos da Commonwealth de 2002 (pt) |
  | |
Traxectoria editar
| Cadro de medallas | |||
|---|---|---|---|
| Atletismo | |||
| Xogos Olímpicos | |||
| Ouro | Atenas 2004 | 3.000 m obstáculos | |
| Ouro | Londres 2012 | 3.000 m obstáculos | |
| Campionato do Mundo de Atletismo | |||
| Ouro | Berlín 2009 | 3.000 m obstáculos | |
| Ouro | Daegu 2011 | 3.000 m obstáculos | |
| Prata | París 2003 | 3.000 m obstáculos | |
| Prata | Helsinqui 2005 | 3.000 m obstáculos | |
| Prata | Osaka 2007 | 3.000 m obstáculos | |
| Xogos da Commonwealth | |||
| Ouro | Melbourne 2006 | 3.000 m obstáculos | |
| Prata | Manchester 2002 | 3.000 m obstáculos | |
| Prata | Delhi 2010 | 3.000 m obstáculos | |
Nado en Matira, cerca de Kapsowar (Distrito de Marakwet. Kemboi graduouse na Boys Secondary School en 1999. Non comezou no atletismo ata que rematou a escol, mais foi descuberto por Paul Ereng e gañou o Campionato Africano Júnior en 2001 a pesar de caer.[1]
Kemboi converteuse no campión júnior africano en 2001 e 2002, e finalizou segundo nos Xogos da Commonwealth de 2002 por detrás do seu compatriota Stephen Cherono. Ese mesmo ano Kemboi foi orixinalmente cuarto no Campionato Africano de Atletismo, mais posteriormente foi galardoado coa medalla de bronce a causa da suspensión por dopaxe do gañador, o marroquí Brahim Boulami.
No Campionato do mundo de atletismo 2003, Kemboi tivo unha dura batalla co seu antigo compañeiro de equipo Saif Saeed Shaheen (antes Stephen Cherono) que representou ao seu novo país Qatar e acabaría gañando por menos dun segundo. Kemboi gañou a medalla de ouro nos All-Africa Games de 2003.
En ausencia de Shaheen Kemboi erexiuse como o favorito para disputar os Xogos Olímpicos de Atenas. A carreira foi moi acorde coa forma, cos tres Kenyanos Kemboi, Brimin Kipruto e Paul Kipsiele Koech levando o ritmo da segunda volta e deixando pronto aos demais competidores atrás, gañando Kemboi a medalla de ouro 0,3 segundos por diante de Kipruto.
En agosto de 2005 gañou a medalla de prata no Campionato do mundo de atletismo 2005, e en marzo do ano seguinte gañou os Xogos da Commonwealth. No Campionato Africano de Atletismo de 2006 finalizou segundo, mais posteriormente foi descalificado.[1]
Kemboi representou a Kenya nos Xogos Olímpicos de Beijing 2008 mais só puido ser sétimo (a súa peor actuación no escenario mundial). Así e todo o ano seguinte recuperouse gañando o seu primeiro ouro nun mundial, e en 2010 proclamouse subcampión africano.
Adicouse ás carreiras de estrada en Italia en agosto de 2010, superando a Peter Kimeli para gañar a carreira de Corribianco en Bianco,[2] logo de tomar os honores nos 8.5-quilómetros Amatrice-Configno.[3]
Gañou a medalla de ouro no Campionato do mundo de atletismo 2011 en Daegu, Corea do Sur.
Kemboi gañou a medalla de ouro para Kenya nos 3.000 metros obstáculos en Londres 2012.[4][5] Kemboi gañou cun tempo de oito minutos e 18.56 segundos.[6]
Notas editar
- ↑ 1,0 1,1 IAAF, August 24, 2004: Focus on Africa – Ezekiel Kemboi (KEN) Arquivado 04 de agosto de 2012 en Wayback Machine.
- ↑ Kemboi and Kalovics win Corribianco road race. IAAF (2010-08-08). Retrieved on 2010-0*-10.
- ↑ Amatrice: vince Kemboi, 11° Baldini Arquivado 22 de novembro de 2010 en Wayback Machine.. FIDAL. Retrieved on 2010-08-28.
- ↑ "London Olympics: Ezekiel Kemboi regains steeplechase gold". Arquivado dende o orixinal o 06-08-2012. Consultado o 06-08-2012.
- ↑ http://www.bbc.co.uk/sport/0/olympics/19141802 Olympic athletics: Kemboi wins gold in 3,000m steeplechase
- ↑ http://london2012.bbc.co.uk/athletics/event/men-3km-steeplechase/phase=atm033100/index.html Arquivado 07 de agosto de 2012 en Wayback Machine. Men's 3000m Steeplechase Results