Exvoto

Un exvoto é unha ofrenda de certa calidade artística, que os xentís facían os seus deuses. Estas ofrendas depositábanse en santuarios ou lugares de culto, as cales podían tomar a forma de persoas, animais, armas, alimentos etc.

Exvoto mural de Domingo de Carranza, de 1606, Capela da Nosa Señora das Virtudes, Ribadeo.

Cumprimento do voto, por M. Ramos.

Posteriormente este símbolo dos desexos ou preocupacións dos homes, foi adoptado polo cristianismo, en forma de ofrenda deixada por fieis en busca ou agradecemento dunha curación ou remedio ás súas doenzas e preocupacións.

Son frecuentes nas inmediacións ou altares de calquera centro de peregrinación, como figuras de cera antropomórficas (de corpo enteiro ou de partes do corpo), como unha evocación da doenza para a que romeiro implora curación; ou tamén figuras de animais, barcos e mesmo casas.

Galería de imaxes

• 
  Exvotos expostos no Castelo de Sobroso
• 
  Nosa Señora da Pastoriza (Arteixo)
• 
  Moldes de madeira para facer exvotos de cera, no Museo Liste.

Véxase tamén

Bibliografía

• Fuentes Alende, Xosé: Artigo "EXVOTO" da Gran Enciclopedia Galega Silverio Cañada.

Ligazóns externas

• Salgado, Fernando (17/11/2017). "Cuando solo queda la fe". Diario de Pontevedra (en castelán).