Abrir o menú principal

Eustaquio Ilundáin

Eustaquio Ilundáin y Esteban, nado en Pamplona o 20 de setembro de 1862[1] e falecido en Sevilla o 10 de agosto de 1937,[2] foi bispo de Ourense entre os anos 1904 e 1920 e posteriormente arcebispo de Sevilla ata a súa morte.

Eustaquio Ilundáin
Cardenal Ilundáin (1862-1937).jpg
Nome completoEustaquio Ilundain y Esteban
Nacemento20 de setembro de 1862
 Pamplona
Falecemento10 de agosto de 1937
 Sevilla
NacionalidadeEspaña
RelixiónIgrexa católica
Ocupaciónsacerdote católico
PremiosGran Cruz da Orde Civil de Beneficencia
editar datos en Wikidata ]

TraxectoriaEditar

Recibiu formación en Teoloxía nos seminarios de Pamplona e Cidade Real. Na capital navarra foi ordenado sacerdote no ano 1886 e alí serviu ata 1891. Entre 1901 e 1904 foi reitor do Seminario de Segovia.

Durante o seu período na diocese de Ourense prestou especial atención á formación dos seminaristas e promoveu os seus coñecementos científicos. Realizou importantes investimentos para subministrar aparellos ao gabinete de Física e Historia natural que el mesmo fundou.

En 1914 suspendeu a divinis ao crego e líder agrarista Basilio Álvarez pola campaña xornalística e política que este emprendera en defensa do campesiñado e contra os poderes conservadores. Eustaquio Ilundáin viviu tamén mentres foi bispo de Ourense a aceptación por parte da poboación de novas formas de ocio, entre elas o cinematógrafo, que foi visto como unha ameaza á doutrina da Igrexa e aos seus valores morais[Cómpre referencia], visión esta que retratou Carlos Casares na novela Ilustrísima.


Dignidades da Igrexa católica
Predecesor:
Pascual Carrascosa
 Bispo de Ourense 
1904 - 1920
Sucesor:
Florencio Cerviño González

NotasEditar

  1. Luis Aguirre Prado (1964). SIE, ed. La Iglesia y la Guerra Española (en castelán). p. 54. 
  2. José Sánchez Herrero (2003). La Semana Santa de Sevilla. Sílex Ediciones. p. 262. ISBN 9788477371205. 

Véxase taménEditar