Estríxil
Un estríxil[1] (do latín strigilis, en grego στλεγγίς) é unha rascadeira de metal longa e fina que na cultura grecorromana os atletas usaban para limpar o corpo manchado de area e aceite.
![](http://upload.wikimedia.org/wikipedia/commons/thumb/7/77/1879_Lawrence_Alma-Tadema_-_Strigils_and_sponges.jpg/220px-1879_Lawrence_Alma-Tadema_-_Strigils_and_sponges.jpg)
Foi utilizado primeiro polos etruscos despois dos seus combates e posteriormente polos romanos, como forma de lavárense nas súas termas.
Debido a que até a época imperial descoñecían o xabón (e o seu uso nunca estivo moi difundido), os romanos untaban o corpo en aceite e logo retirábano co estríxil.[2]
Na cultura grega era tradición que os atletas saísen á area cubertos por óleos. Ao final da competición retirábanos cerimoniosamente do corpo xunto co po e a sucidade. Este ritual é o que plasmou Lisipo no seu Apoxiomeno.
Con todo, algunhas fontes clásicas, como Aristóteles, indican que o estríxil tamén podía ser usado antes do baño sen previa aplicación de aceites para favorecer a transpiración e retirar as capas de pel morta. Ante o abrasivo do método, Hipócrates recomenda empregar a esponxa no seu lugar, especialmente no caso de enfermidade cutánea aguda.[3]
Sarcófagos
editarChámase sarcófago con estríxiles cando está tallado con sucos paralelos en forma de S que lembran ás marcas deixadas polos mesmos. Servía con frecuencia como motivo decorativo de sarcófagos romanos e paleocristiáns.
Galería de imaxes
editar-
Estríxiles romanos do século I a. C.
-
Mozo ateniense cun estríxil na man. (c. 420 a.C.),Museo Arqueolóxico do Cerámico
-
Un atleta limpándose
-
Sarcófago tardorromano (Museo de Cádiz)
-
Sarcófago con estríxiles da Abadía de San Vítor de Marsella
Notas
editar- ↑ Definicións no Dicionario da Real Academia Galega e no Portal das Palabras para estríxil.
- ↑ Cowell, Frank (1980). Life in ancient Rome (en inglés). Nova York: Putnam. p. 90. ISBN 9780399503283.
- ↑ Sansone, David (1988). Greek athletics and the genesis of sport. Berkeley: University of California Press. ISBN 9780520060999.
Véxase tamén
editarOutros artigos
editarWikimedia Commons ten máis contidos multimedia na categoría: Estríxil |