Estanque do Retiro
Coordenadas: 43°16′38″N 8°13′11″O / 43.277312745745, -8.2195962965997
O Estanque do Retiro é unha extensión de auga de orixe artificial situada no Parque do Pasatempo, na vila de Betanzos, Galicia.
Características
editarEn setembro de 2017, sete meses despois do derrubo dun dos murais do Estanque da Gruta, a asociación Amigos do Pasatempo iniciou unha campaña para salvar o Estanque do Retiro, coa que tentou conseguir apoios nas redes sociais para que os 50 000 euros dos orzamentos participativos do Concello de Betanzos se detinasen a accións para a recuperación do templete da illa central do estanque, que daquela xa presentaba fendas e roturas no mosaicos.[1] Con todo, o 9 de outubro de 2019 caeu unha das partes do templete mentres se realizaban traballos de baleirado da auga de acordo coas indicacións dos técnicos redactores do anteproxecto de recuperación do parque, que sinalaban a necesidade de rebaixar o nivel da auga para apuntalar a estrutura. A Asociación de Amigos do Pasatempo, que viña denunciando a situación do lugar dende ía máis dun ano, xa amosara o seu medo a que a estrutura caese coa drenaxe da auga do estanque en maio dese mesmo ano, e con posterioridade aos feitos esixiu responsabilidades, xa que os traballos de baleirado se levaron a cabo sen asegurar a zona. Un ano atrás, debido ao descenso do nivel da auga a causa da seca, xa caeran fragmentos dun dos barcos que decoraban a illa.[2][3]
En setembro de 2019 concluíu o proceso de limpeza do estanque, durante o cal se retiraron máis de 200 toneladas de lodos e maleza, e atopáronse elementos e pezas escultóricas do parque que permanecían perdidas e que se analizaron para determinar a súa procedencia co obxectivo de situalas no seu lugar orixinal.[4]
Notas
editar- ↑ Pérez, Antares (17 de setembro de 2017). "Vecinos impulsan una campaña para "salvar" el Estanque del Retiro del Pasatiempo". La Opinión A Coruña (en castelán). Consultado o 11 de xullo de 2024.
- ↑ Devesa, Caterina (10 de outubro de 2018). "Cae parte del deteriorado templete del estanque de O Pasatempo". La Voz de Galicia (en castelán). Consultado o 11 de xullo de 2024.
- ↑ Pérez, Antares (27 de outubro de 2018). "Amigos do Pasatempo pide responsabilidades por el derrumbe del muro de la isla del estanque del Retiro". El Ideal Gallego (en castelán). Consultado o 11 de xullo de 2024.
- ↑ Tenreiro, Lucía (20 de setembro de 2019). "Betanzos halla piezas perdidas de El Pasatiempo al retirar 200 toneladas de lodos del Retiro". El Ideal Gallego (en castelán). Consultado o 11 de xullo de 2024.