Estación da Barosa
Coordenadas: 42°29′58″N 6°49′31″O / 42.4994, -6.82528
A Barosa é un apeadoiro de tren de Adif, situada na Barosa, no concello de Carucedo, provincia de León. Actualmente non ten servizos de pasaxeiros.
| A Barosa | |
|---|---|
| Situación | Carucedo |
Situación ferroviaria editar
Está situada no punto quilométrico 272,3 da liña de ancho ibérico que une León e A Coruña, a 406 metros de altitude,[1] entre as estacións de Covas e Toural dos Vaos. O tramo é de vía única e está electrificado.
Historia editar
A estación foi aberta ao tráfico o 4 de setembro de 1883 coa posta en marcha do tramo O Oural-Toural dos Vaos da liña que pretendía unir Palencia coa Coruña.[2] As obras correron a cargo da Compañía dos Ferrocarrís de Asturias, Galicia e León ou AGL creada para continuar cos proxectos iniciados pola Compañía do Ferrocarril do Noroeste de España e xestionar as súas liñas. En 1885, a mala situación financeira de AGL tivo como consecuencia a súa absorción por parte de Norte.[2] En 1941, a nacionalización do ferrocarril en España supuxo a desaparición desta última e a súa integración na reción creada Renfe.
Desde o 31 de decembro de 2004 Renfe Operadora explota a liña mentres que Adif é a titular das instalacións ferroviarias.
A estación editar
O ferrocarril cruza a localidade da Barosa. A estación é un pequeno recinto ao que só accede a vía principal. Unha única plataforma, por tanto, está habilitada para os viaxeiros. Conta cunha antiga sala e unha marquesiña disposta a través de dous arcos frontais e un lateral, ao seu lado atópanse algunhas instalacionas actualmente abandonadas.
Notas editar
- ↑ Rede ferroviaria española Arquivado 18 de outubro de 2013 en Wayback Machine. Ministerio de Fomento
- ↑ 2,0 2,1 Palencia a A Coruña ( Compañía de los Ferrocarriles del Noroeste de España) Arquivado 04 de marzo de 2016 en Wayback Machine. Spanishrailway
Véxase tamén editar
Ligazóns externas editar
- Información da estación na web de Adif Arquivado 30 de xuño de 2016 en Wayback Machine. (en castelán)