Johann Deisenhofer
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2017.) |
Johann Deisenhofer, nado en Zusamaltheim o 30 de setembro de 1943, é un bioquímico alemán galardoado co Premio Nobel de Química do ano 1988.
  | |
| Nome orixinal | (de) Johann Deisenhofer |
|---|---|
| Biografía | |
| Nacemento | 30 de setembro de 1943 (80 anos) Zusamaltheim (pt)  |
| Datos persoais | |
| Residencia |  Estados Unidos |
| País de nacionalidade | alemán / estadounidense |
| Educación | Sociedade Max Planck |
| Director de tese | Robert Huber |
| Coñecido por | Cristalografía e Fotosíntese |
| Actividade | |
| Campo de traballo | bioquímica e biofísica |
| Ocupación | bioquímico , profesor universitario , físico , químico , biofísico |
| Empregador | University of Texas Southwestern Medical Center (en) Universidade Técnica de Múnic Instituto Médico Howard Hughes (pt) |
| Membro de | |
| Lingua | Lingua alemá e lingua inglesa |
| Premios | |
| Premio Nobel de Química (1988) | |
Lista
| |
Traxectoria editar
Estudou bioquímica no Sociedade Max Planck de Martinsried, onde se doutorou en 1974. Aquel mesmo ano ingresou neste centro, onde desenvolveu as súas investigacións científicas ata 1987, ano no cal aceptou a oferta do Instituto Médico Howard Hughes en Maryland e da University of Texas Southwestern Medical Center en Dallas.
Investigacións científicas editar
A partir de 1982, xunto a Robert Huber e Hartmut Michel, iniciou as súas investigacións no estudo da estrutura dun complexo de proteínas bacterianas chamado centro de reacción fotosintético. Este complexo de proteínas xa era coñecido como o elemento principal no inicio dun tipo sinxelo de síntese, o proceso que determina a cor verde das plantas e que fai que outros variados organismos convertan a enerxía luminosa en enerxía química.
Entre 1982 e 1985 os tres científicos utilizaron métodos cristalográficos mediante raios X para determinar a estrutura exacta dos máis de 10.000 átomos que compón o complexo desta proteína, conseguindo crear así a súa imaxe tridimensional. A súa investigación aumentou a comprensión xeral dos mecanismos da fotosíntese e revelou parecidos entre os procesos fotosintéticos de plantas e de bacterias.
En 1988 foi galardoado, xunto aos seus compatriotas Huber e Michel, co Premio Nobel de Química pola determinación da estrutura tridimensional do centro de reacción fotosintético.
Véxase tamén editar
Ligazóns externas editar
- Páxina do Instituto Nobel, Premio Nobel de Química 1988 (en inglés)
- Autobiografía na páxina do Instituto Nobel 1988 (en inglés)
- Johann Deisenhofer en Biografías y vidas (en castelán)
- Perfil de Johann Deisenhofer en NNDB (en inglés)
| Predecesor: Charles J. Pedersen, Jean-Marie Lehn e Donald James Cram |
Premio Nobel de Química 1988 con Robert Huber e Hartmut Michel |
Sucesor: Sidney Altman e Thomas Cech |