Castromil (autocares)
Castromil foi unha empresa galega de transporte de viaxeiros por estrada con sede en Santiago de Compostela fundada en 1917 por Evaristo Castromil.
Castromil  | |
|---|---|
| Tipo | empresa de transporte |
| Data de fundación | 1917 |
| Fundador(es) | Evaristo Castromil |
| Organización matriz | Monbus |
| Sede | Santiago de Compostela |
| País | Galicia |
| [ editar datos en Wikidata ] | |
Historia editar
En 1910, Evaristo Castromil entrou no negocio da automoción como representante dunha empresa norteamericana de coches.
En 1917 funda o que máis tarde sería Castromil, con sede en Santiago. Iniciou o negocio de viaxeiros e mercadorias con seis autocares Saurer, mercados en Alemaña.[1] A cidade xa tiña liña de ferrocarril con Vigo, Pontevedra e Portugal pero non coas vilas do interior nin coa Coruña.
Nos comezos do trasporte por estrada había varias empresas facendo as mesmas rutas e competindo entre elas. En 1924 promulgouse a Real orde do 4 de xullo, pola que se regularon os servizos de viaxeiros e mensaxería. Só se permitía unha empresa por concesión. Castromil fíxose coas concesións das rutas que xa facía. En 1928 tiña en exclusividade A Coruña, Santiago, Caldas de Reis, Pontevedra e Vigo.[2] Algúns destes autobuses podían levar carga sobre o teito e mesmo algúns tiñan asentos de madeira para viaxeiros, tamén no inverno. Había billetes de primeira, segunda e terceira. A empresa completaba a oferta de transporte de viaxeiros co transporte de mensaxería e o viaxeiro pagaba un suplemento polos vultos que levase. A empresa foi medrando pero tamén a competencia doutras. O negocio do transporte en Galiza estaba moi dividido en empresas pequenas moi localizadas xeograficamente.
En 1969 morreu Evaristo Castromil. O seu fillo Ramón Castromil Casal seguiu coa empresa; o neto fíxose cargo da presidencia.
Nos anos 90 xa só quedaban grandes grupos como IASA ou Monbus. Castromil potenciou a súa imaxe de marca con autobuses modernos (Scania) ben rotulados e poñéndolles nomes de galegos ilustres como Rosalía de Castro, Castelao ou Luís Seoane. A empresa contou cunha páxina web en Internet e ofrecía alugar os seus autobuses.
Monbus mercou Castromil en 2002, cando a empresa tiña case 200 autobuses. Durante un tempo mantívose a marca nas estradas.
Notas editar
- ↑ "Castromil, ya sólo un recuerdo" Arquivado 31 de xullo de 2018 en Wayback Machine., La Voz de Galicia, 11/10/2006 (en castelán).
- ↑ Evaristo Castromil Otero (1876-1969) por Sarai Lorenzo, Jennifer Piñeiro y Romina Juncal
Véxase tamén editar
Bibliografía editar
- Daniel Seijas Llerena: "Evaristo Castromil Otero 1876-1969"