Ernesto Ínsua Olveira
Ernesto Ínsua Olveira, nado en Fisterra o 28 de decembro de 1952[1], é un político e funcionario galego do PSdeG-PSOE.
| Biografía | |
|---|---|
| Nacemento | 28 de decembro de 1952  (71 anos)Fisterra, España |
| Alcalde de Fisterra | |
| | |
| Datos persoais | |
| País de nacionalidade | España |
| Actividade | |
| Ocupación | político , funcionario |
| Partido político | Partido dos Socialistas de Galicia |
Traxectoria editar
Funcionario do ISM, foi o director das delegacións de Fisterra e Corcubión dende 1978. Foi elixido candidato á alcaldía fisterrá polo PSdeG-PSOE nas eleccións municipais de 1991. Conseguiu triplicar os resultados dos socialistas, logrando 3 edís, e sela segunda forza máis votada contribuíndo a acabar coa maioría absoluta de Valentín Castreje á fronte do PPdeG. Desta forma, explorouse un acordo para lograla alcaldía co apoio do BNG e do CDS, porén os candidatos destas formacións, Tereixa Novo (3 edís) e José Fernando Carrillo (1 edil), pedían a alcaldía para eles mesmos. Esta situación derivou en que os socialistas acordaron investir a Tareixa Novo e que Carrillo se presentase á investidura, logrando este o apoio do PPdeG e a alcaldía. Porén, as malas relacións entre o centrista e os populares, derivou en marzo de 1992 nun pacto de goberno do alcalde co PSdeG e BNG, asumindo Ínsua unha tenencia de alcaldía e concellería de obras[2].
Nas municipais de 1995 foi de novo candidato socialista. O goberno tripartito mantivo a maioría, se ben Carrillo subeu de 1 a 3 concelleiros a costa do PSdeG e do BNG, pasando a sela principal forza dos tres. Aínda así, conseguiu que os centristas lle cedesen a alcaldía, polo que foi investido co apoio destes e do BNG, continuando o goberno ata as municipais de 1999, cando decide non presentarse á reelección e volver ó seu traballo no ISM.
Durante os 7 anos de goberno tripartito destacou a considerable mellora da promoción turística do concello, moi especialmente vinculada ó Xacobeo e á fin do Camiño de Santiago.
| Predecesor: José Fernando Carrillo |
 Alcalde de Fisterra 1995 - 1999 |
Sucesor: Valentín Castreje |