Enrique Vigo Teijeiro
Enrique Vigo Teijeiro, nado en Ferrol en 1914 e finado en Barallobre (Fene) o 16 de xaneiro de 2008,[1] foi un militar e escritor galego.
| Biografía | |
|---|---|
| Nacemento | 1914  Ferrol, España |
| Morte | 16 de xaneiro de 2008 (93/94 anos) Barallobre, España |
| Datos persoais | |
| País de nacionalidade | España |
| Actividade | |
| Ocupación | escritor , militar |
| Lingua | Lingua castelá |
Traxectoria editar
Con 18 anos ingresou na Mariña e foi destinado ao cruceiro Almirante Cervera. Catro anos despois, cando se produciu o golpe de Estado do 18 de xullo de 1936 optou polo bando republicano. Foi apresado, retido e xulgado en Ferrol por rebelión (causa instruída polos sucesos do Cervera) o 8 de xaneiro de 1937.[2] Foi condenado a cadea perpetua e estivo encarcerado en Cádiz ata que foi liberado en 1942. Á saída entrou en contacto coa guerrilla antifranquista, coa que colaborou ata que o detiveron en 1950. Xulgado en consello de guerra en Ferrol o 18 de marzo de 1952 con outros 42 enlaces da guerrilla,[3] foi condenado a doce anos de prisión. Encarcerado en Dueso (Santoña), foi liberado en 1956.
Regresou a Fene e incorporouse ao traballo auxiliar da industria naval.
Obras editar
- Memorias dun antifranquista, Edicións Embora, 2004.
Notas editar
- ↑ "Falece aos 93 anos en Fene o último guerrilleiro da comarca". La Voz de Galicia. 16 de xaneiro de 2008.
- ↑ La Voz de Galicia, 9-1-1937, p. 2.
- ↑ "Cuarenta y tres paisanos acusados de ayuda a los bandoleros", La Voz de Galicia, 19-3-1952, p. 5.
Véxase tamén editar
Ligazóns externas editar
- Enrique Vigo Teijeiro na páxina web Nomes e Voces.