Enrique Blein
Enrique Blein Budiño, nado en Vigo en xuño de 1885 e finado na mesma cidade o 10 de decembro de 1936, foi un comerciante e político galego.
  | |
| Biografía | |
|---|---|
| Nacemento | xuño de 1885 Vigo, España |
| Morte | 10 de decembro de 1936 (51 anos) Vigo, España |
 Alcalde de Vigo | |
| | |
| Datos persoais | |
| País de nacionalidade | España |
| Actividade | |
| Ocupación | comerciante , político |
| Lingua | Lingua castelá |
| Familia | |
| Pai | Primitivo Blein Costas |
Traxectoria editar
Fillo de Primitivo Blein Costas, que tamén foi alcalde, e comerciante en Vigo. Fíxose cargo do comercio familiar. Foi concelleiro de Vigo en 1923. Foi o primeiro alcalde de Vigo da II República, pero foi destituído en setembro de 1931.[1] En xaneiro de 1936 foi elixido presidente da agrupación de Izquierda Republicana de Vigo e en febreiro foi reposto como concelleiro e elixido 1º Tenente de alcalde. Foi nomeado membro da Comisión Xestora da Deputación de Pontevedra e elixido vicepresidente o 19 de marzo de 1936.[2] Co golpe de Estado do 18 de xullo de 1936 estivo fuxido, primeiro en Coruxo e despois en Chandebrito. Foi xulgado en Vigo por rebelión e declarado en rebeldía. Localizado e detido, estivo preso na Ramallosa e despois trasladado ao cárcere de Vigo. Padecía un cancro e foi hospitalizado o 30 de outubro nos pavillóns sanitarios do Hospital Municipal. Morreu de cancro de estómago en estado de semi-abandono no Hospital Municipal de Vigo o 10 de decembro de 1936.[3] Despois da súa morte foi sancionado con 50.000 pesetas por resolución da autoridade militar e como consecuencia embargáronlle á súa muller e fillos todo o seu patrimonio.
| Predecesor: Manuel San Román Ceballos |
 Alcalde de Vigo 1931 |
Sucesor: Amado Garra Castellanzuelo |
Vida persoal editar
Casou con Concepción Corral Sequeiros e foi pai de seis fillos.
Notas editar
- ↑ Destitución del alcalde de Vigo, artigo en ABC o 13 de setembro de 1931 (en castelán).
- ↑ El Pueblo Gallego, 20-3-1936, p, 12.
- ↑ Los principales personajes vigueses de la llegada del nuevo régimen fueron fusilados cinco años después, La Voz de Galicia o 8 de abril de 2009 (en castelán).
Véxase tamén editar
Bibliografía editar
- Martín, Gerardo (2017). Diccionario de vigueses (1875-1945). Retazos de historia local a través de la vida de más de 1700 personajes. Pontevedra: Deputación Provincial. pp. 119–120. ISBN 978-84-8457-448-4.
- Vázquez Xil, Lalo (1994) [1991]. As rúas de Vigo (2ª ed.). Vigo: Ediciones Cardeñoso. p. 126. ISBN 84-87379-47-8.
Outros artigos editar
Ligazóns externas editar
- Enrique Blein na páxina web Nomes e Voces.