As eleccións ao Parlamento de Cataluña de 1992 celebráronse o 15 de marzo de 1992, sendo as cuartas eleccións ao Parlamento de Cataluña trala instauración da democracia en España, e o restabelecemento da Generalitat de Cataluña en 1977. Foron convocadas a votar 4.839.071 persoas maiores de 18 anos e con dereito a voto en Cataluña. As eleccións serviron para escoller os 135 parlamentarios da segunda lexislatura democrática. Acudiron a votar 2.655.051 persoas, o que deu unha participación do 54,87 por cento, cinco puntos por debaixo da participación de catro anos antes.
As eleccións foron anticipadas máis de tres meses por mor dos Xogos Olímpicos de Barcelona 1992. Orixinalmente estaba prevista a súa celebración o domingo 28 de xuño de 1992. O partido máis votado foi, por cuarta vez consecutiva, Convergència i Unió que, con 1.221.233 votos (un 46,19 por cento), obtivo 70 escanos, 1 máis que nas anteriores eleccións, e 30 máis que a segunda forza política, o Partit dels Socialistes de Catalunya, o que volveu dar a CiU a maioría absoluta por terceira vez consecutiva.
Trala formación do Parlamento de Cataluña, o candidato de Convergència i Unió, Jordi Pujol, foi investido Presidente da Generalitat de Cataluña, por cuarta vez consecutiva.
Véxase tamén
editar
Eleccións ao Parlamento de Cataluña de 1992
.svg){kind=small}
_Logo_(1989-1993).svg){kind=logo}