El Porvenir (1875)

Para outras páxinas con títulos homónimos véxase: El Porvenir.

El Porvenir foi un periódico galego editado en Santiago de Compostela entre 1875 e 1882.

Historia e características

Subtitulado primeiro Diario de Noticias y Anuncios e Periódico Diario, a partir do terceiro ano, apareceu o 2 de xaneiro de 1875. Foi un periódico católico que apareceu para contrarrestar a influencia de El Diario de Santiago e converteuse no órgano do cardeal Payá. Fundado por Antonio Toledo Quintela e Juan Barcia Caballero, o seu primeiro director foi Andrés Rey Varela, a quen substituíu en maio de 1876 Antonio Toledo Quintela, e a partir de 1881 Alfredo Brañas. Foron os seus redactores Juan Barcia Caballero, Santiago López Mosquera e Emilio Villelga Rodríguez. Entre os colaboradores figuraban Antonio López Ferreiro, Alfredo Brañas e Emilia Pardo Bazán. Desapareceu a consecuencia das multas que lle impuxo o alcalde interino José Peón. Foi substituído por El Libredón.

Véxase tamén

Bibliografía

• Santos Gayoso, Enrique (1990). Do Castro, ed. Historia de la Prensa Gallega 1800-1986. Sada. ISBN 84-7492-489-8. 

Ligazóns externas

• Ficha e exemplares de El Porvenir en Galiciana.