Edward "Ned" Daly ou Éamonn Ó Dálaigh (en irlandés), nado o 28 de febreiro de 1891 en Limerick (Irlanda) e executado o 4 de maio de 1916 na prisión de Kilmainham Gaol, foi comandante do Primeiro Batallón de Dublín durante o Alzamento de Pascua de 1916. Era o home máis novo con rango militar e un dos prisioneros máis novos que foron executados tralo Alzamento.

Edward Daly
Edwarddaly.jpg
Nacemento25 de febreiro de 1891
 Limerick
Falecemento4 de maio de 1916
 Kilmainham Gaol
CausaFusilamento
Ocupaciónpolítico
editar datos en Wikidata ]

TraxectoriaEditar

Ned Daly naceu en Limerick (Irlanda), era o irmán pequeno de Kathleen Clarke, esposa de Thomas J. Clarke, e membro activo da Irmandade Republicana Irlandesa. O seu tío foi John Daly, un importante feniano que tomou parte no Alzamento Feniano de 1867.

O batallón de Daly, con base en Four Courts e nas áreas ao Norte e Leste do centro de Dublín, participou na loita máis intensa da revolta. Daly rendiu o seu batallón o 29 de abril. No xuízo alegou que o único que facía era cumprir ordes, mais foi condenado a morte e fusilado o 4 de maio de 1916 en Kilmainham Gaol á idade de 25 anos.

Os homes do seu batallón afirmaron que era un bo comandante, unha opinión compartida tamén por un oficial británico capturado polo batallón de Daly.

Véxase taménEditar

Ligazóns externasEditar