Edicións Positivas

Edicións positivas
Tipo	Editora
Fundación	1990
Fundador	Paco Macías; Xelís de Toro
Na rede
	https://edicionspositivas.com/
	[ editar datos en Wikidata ]

Edicións Positivas é unha empresa editorial galega con sede en Santiago de Compostela. Foi fundada en 1990 por Paco Macías e mais Xelís de Toro, e a súa lingua de edición é principalmente o galego, aínda que tamén editan en portugués.

Características editar

Francisco Macías, director de Edicións Positivas (esquerda), e Xosé Manuel Fernández Castro, escritor e investigador (dereita), en 2013, na presentación das Obras completas de Roberto Vidal Bolaño.

Publica poesía, narrativa e ensaio. No seu catálogo conta con catro coleccións: Narrativas, Plural, Di-versos, Anima+l. Amais de encargarse da edición de textos de autores galegos, tamén traballa coa tradución de libros estranxeiros e ten vertido á lingua galega obras de Quim Monzó, H.G. Wells, Antonio Tabucchi, Allen Ginsberg, Pier Paolo Pasolini ou Mark Twain.

Edicións Positivas é a empresa responsábel do premio Narrativas Quentes de literatura erótica, de frecuencia bianual.