Abrir o menú principal
Drosha, ribonuclease tipo III
Identificadores
Símbolo DROSHA
Símbolos alt. ETOHI2; HSA242976; RANSE3L; RN3; RNASE3L; RNASEN
Entrez 29102
OMIM 608828
RefSeq NP_001093882
UniProt Q9NRR4
Outros datos
Número EC 3.1.26.3
Locus Cr. 5 : (31.4 – 31.53 Mb)

Drosha é un encima ribonuclease III de clase 2 [1] que nos humanos está codificado no xene DROSHA (anteriormaente RNASEN) situado no cromosoma 5.[2][3][4] Intervén na maduración do miARN e na interferencia de ARN.

FunciónEditar

Os membros da superfamilia da ribonuclease III de endorribonucleases específicas para ARN bicatenario participan en diversas vías de maduración e degradación do ARN en células eucariotas e procariotas.[5] A RNase III Drosha é a nuclease central que executa o paso de iniciación do procesamento do microARN no núcleo celular.[4][6]

Os microARNs (miARN) que se xeran desa maneira son moléculas curtas de ARN que regulan gran variedade de xenes ao interaccionar co complexo silenciador inducido por ARN (RISC) para inducir a clivaxe de ARNs mensaxeiros que presentan complementariedade de bases como parte da vía de interferencia de ARN. As moléculas de microARN sintetízanse como transcritos primarios longos chamados pri-miARN, que son despois clivados (cortados) por Drosha para producir unha estrutura característica en talo-bucle duns 70 pares de bases, chamada pre-miARN.[6] Drosha forma parte do complexo proteico chamado Complexo microprocesador, que tamén comtén a proteína de unión ao ARN bicatenario Pasha (tamén chamada DGCR8).[7] Pasha é esencial para a actividade de Drosha e pode unirse a fragmentos monocatenarios do pri-miARN que son necesarios para un correcto procesamento.[8]

A proteína Drosha humana clonouse en 2000, unha vez que foi identificada como unha ribonuclease de ARN bicatenario nuclear implicada no procesamento de precursores do ARN ribosómico.[3] Os outros dous encimas humanos que participan no procesamento e actividade do miARN son o Dicer e as proteínas Argonauta.

Tanto Drosha coma Pasha están localizadas no núcleo celular, onde ten lugar o procesamento do pri-miARN a pre-miARN. Esta última molécula continúa procesándose despois pola RNase Dicer dando os miARNs maduros no citoplasma da célula.[6] Drosha e Dicer participan ambos tamén na resposta aos danos no ADN.[9]

Importancia clínicaEditar

Drosha e outros encimas que procesan os miARNs poden ser importantes no prognóstico do cancro.[10] Tanto Drosha coma Dicer poden funcionar como reguladores mestres do procesamento dos miARNs e comprobouse que exercen unha regulación á baixa en certos tipos de cancro de mama.[11] Porén, a natureza da asociación entre o procesamento dos miARNs e a tumoroxénese non está clara.[12]

NotasEditar

  1. Filippov V, Solovyev V, Filippova M, Gill SS (Mar 2000). "A novel type of RNase III family proteins in eukaryotes". Gene 245 (1): 213–21. PMID 10713462. doi:10.1016/s0378-1119(99)00571-5. 
  2. Filippov V, Solovyev V, Filippova M, Gill SS (Mar 2000). "A novel type of RNase III family proteins in eukaryotes". Gene 245 (1): 213–221. PMID 10713462. doi:10.1016/S0378-1119(99)00571-5. 
  3. 3,0 3,1 Wu H, Xu H, Miraglia LJ, Crooke ST (Nov 2000). "Human RNase III is a 160-kDa protein involved in preribosomal RNA processing". The Journal of Biological Chemistry 275 (47): 36957–36965. PMID 10948199. doi:10.1074/jbc.M005494200. 
  4. 4,0 4,1 "Entrez Gene: RNASEN ribonuclease III, nuclear". 
  5. Fortin KR, Nicholson RH, Nicholson AW (Aug 2002). "Mouse ribonuclease III. cDNA structure, expression analysis, and chromosomal location". BMC Genomics 3 (1): 26. PMID 12191433. 
  6. 6,0 6,1 6,2 Lee Y, Ahn C, Han J, Choi H, Kim J, Yim J, Lee J, Provost P, Rådmark O, Kim S, Kim VN (Sep 2003). "The nuclear RNase III Drosha initiates microRNA processing". Nature 425 (6956): 415–9. PMID 14508493. doi:10.1038/nature01957. 
  7. Denli AM, Tops BB, Plasterk RH, Ketting RF, Hannon GJ (Nov 2004). "Processing of primary microRNAs by the Microprocessor complex". Nature 432 (7014): 231–5. PMID 15531879. doi:10.1038/nature03049. 
  8. Han J, Lee Y, Yeom KH, Nam JW, Heo I, Rhee JK, Sohn SY, Cho Y, Zhang BT, Kim VN (Jun 2006). "Molecular basis for the recognition of primary microRNAs by the Drosha-DGCR8 complex". Cell 125 (5): 887–901. PMID 16751099. doi:10.1016/j.cell.2006.03.043. 
  9. Francia S, Michelini F, Saxena A, Tang D, de Hoon M, Anelli V, Mione M, Carninci P, d'Adda di Fagagna F (Aug 2012). "Site-specific DICER and DROSHA RNA products control the DNA-damage response". Nature 488 (7410): 231–5. PMID 22722852. doi:10.1038/nature11179. 
  10. Slack FJ, Weidhaas JB (Dec 2008). "MicroRNA in cancer prognosis". The New England Journal of Medicine 359 (25): 2720–2. PMID 19092157. doi:10.1056/NEJMe0808667. 
  11. Thomson JM, Newman M, Parker JS, Morin-Kensicki EM, Wright T, Hammond SM (Aug 2006). "Extensive post-transcriptional regulation of microRNAs and its implications for cancer". Genes & Development 20 (16): 2202–7. PMID 16882971. doi:10.1101/gad.1444406. 
  12. Iorio MV, Croce CM (Jun 2012). "microRNA involvement in human cancer". Carcinogenesis 33 (6): 1126–33. PMID 22491715. doi:10.1093/carcin/bgs140. 

Véxase taménEditar

BibliografíaEditar