Drama (serie de televisión)
Drama é unha serie de televisión catalá producida por Radio Televisión Española e El Terrat e estreada na plataforma Playz en febreiro de 2020. Con diálogos en catalán e en español, é unha comedia de seis capítulos dirixida principalmente á mocidade. Está protagonizada por Elisabet Casanovas, Artur Busquets e Júlia Bonjoch. Emitiuse en TV3 a partir de xuño do mesmo ano.[1]
| Drama | |
|---|---|
| Formato | Serie de televisión |
| Dirixido por | Ginesta Guindal |
| Intérpretes | |
| País de orixe | España |
| Lingua(s) | Catalán e castelán |
| Temporadas | 1 |
| Episodios | 6 |
| Produción | |
| Duración | 25 minutos (aprox.) |
| Emisión orixinal | |
| Canle de orixe | Playz |
| Primeiro episodio | 4 de febreiro de 2020 |
| Derradeiro episodio | 25 de febreiro de 2020 |
| Na rede | |
| https://www.rtve.es/playz/drama/ | |
  | |
| [ editar datos en Wikidata ] | |
Argumento
editarÁfrica, quen vive nun piso compartido, non atopa traballo estábel. Descobre que está embarazada, mais non sabe de quen. A serie explora o que realmente pasou e como África tenta resolver o problema.[2]
Elenco
editar- Elisabet Casanovas como África
- Artur Busquets como Jordi
- Júlia Bonjoch como Scarlett
- Àlex Maruny como Sergi
- Carla Linares como Núria
- Eduard Buch como Gorka
- Ignatius Farray como Gregorio
Episodios
editar| Núm. ep. | Título | Dirección | Data de estrea en Playz | Data de estrea en TV3 | Audiencia de TV3 |
|---|---|---|---|---|---|
| 1 | Yuri | Ginesta Guindal | 4 de febreiro de 2020 | 29 de xuño de 2020 [3] | 322.000 (13,2%) [3] |
| 2 | Quim | Ginesta Guindal | 4 de febreiro de 2020 | 29 de xuño de 2020 [3] | 261.000 (10,5%) [3] |
| 3 | El senyor X | Ginesta Guindal | 4 de febreiro de 2020 | 6 de xullo de 2020 [4] | 306.000 (13,3%) [4] |
| 4 | Eric | Ginesta Guindal | 11 de febreiro de 2020 | 6 de xullo de 2020 [4] | 232.000 (10,1%) [4] |
| 5 | Gorka | Ginesta Guindal | 18 de febreiro de 2020 | 13 de xullo de 2020 [5] | 305.000 (13,0%) [5] |
| 6 | Bárbara | Ginesta Guindal | 25 de febreiro de 2020 | 13 de xullo de 2020 [5] | 226.000 (10,3%) [5] |
Acollida
editarJoan Burdeus, no diario dixital Núvol, definiu Drama como "un collage de todos os dramas millenials que se levan vendo dende hai 15 anos na televisión anglosaxoa, mais recombinados e estreados na Barcelona da actualidade" e comparouna especialmente con Girls. Engadiu que "é unha serie fantástica porque quen a escribiron fixeron o que lles prestou". [6]
Mònica Planas tamén eloxiou a serie no xornal Ara: “os conflitos están ben trazados, os diálogos semellan espontáneos, fuxiron de estereotipos, é moderna, non ten pretensións moralistas, conecta ben coa xeración millennial, que é para quen está pensada a serie, e logra crear relacións especiais entre os personaxes". [7]
Porén, a abundancia de diálogos en castelán non tivo boa acollida por unha parte da audiencia durante a súa emisión en TV3. De feito, criticouse que a televisión pública de Cataluña cometese unha neglixencia dese tipo, ao tratarse dunha ferramenta de normalización do catalán.[8] Dende a sociolingüística alertouse do perigo que supón para a saúde do catalán a decisión de TV3 de emitir unha serie bilingüe.[9]
Notas
editar- ↑ "La serie de TVE y El Terrat 'Drama' da el salto de Playz a TV3". vertele.eldiario.es. 22 de xuño de 2020. Consultado o 12 de novembro de 2021.
- ↑ "La vida de l'Àfrica està a punt de canviar. Estrenem "Drama"". ccma.cat. Arquivado dende o orixinal o 09 de novembro de 2021. Consultado o 12 de novembro de 2021.
- ↑ 3,0 3,1 3,2 3,3 "Bona estrena de "Drama", un dilluns que TV3 lidera amb un 13,7% de quota". CCMA.cat. 30 de xuño de 2020.
- ↑ 4,0 4,1 4,2 4,3 "Els telenotícies, "Drama" i "Bricoheroes", entre els més vistos d'un dilluns que TV3 lidera amb un 13,6% de quota". CCMA.cat. 7 de xullo de 2020.
- ↑ 5,0 5,1 5,2 5,3 "Els telenotícies, "Drama" i "Cuines", entre els més vistos d'un dilluns que TV3 lidera amb un 14,9% de quota". CCMA.cat. 14 de xullo de 2020.
- ↑ "‘Drama’ i el plaer de follar-se la llengua". 30 de xuño de 2020.[Ligazón morta]
- ↑ Planas Callol, Mònica (30 de xuño de 2020). "L'autèntic drama de TV3".
- ↑ "Polèmica per la sèrie "Drama", que emet TV3, perquè alterna català i castellà". 01 de xullo de 2020.
- ↑ "‘Drama’ o la incursió gradual del castellà en la televisió que normalitzava el català". 01 de xullo de 2020.