Dorival Guidoni Júnior

Dorival Guidoni Júnior, nado o 28 de maio de 1972 en Nhandeara (Brasil) é un exfutbolista brasileiro que xogaba na demarcación de centrocampista.

Doriva
Información persoal
Nome Dorival Guidoni Júnior
Nacemento 28 de maio de 1972
Lugar de nacemento Nhandeara
Altura 1,73 m
Posición Centrocampista
Carreira sénior
Anos Equipos Aprs (Gls)
1991-1994 São Paulo Futebol Clube 33 (0)
1992Anapolina AA (Cedido)
1993Goiânia Esporte Clube (Cedido)
1994 XV Paracicaba
1995-1997 Clube Atlético Mineiro 59 (1)
1997-1999 FC Porto 30 (5)
1998-2000 UC Sampdoria 54 (4)
2000-2003 Celta de Vigo 34 (1)
2002-2006 Middlesbrough FC 79 (0)
2006 Blackpool FC 0 (0)
2007 América Futebol Clube (SP)
2007 Mirassol FC
Selección nacional
Selección de fútbol do Brasil 14 (0)
Na rede
FIFA: 170757 UEFA: 46000 Editar o valor em Wikidata
Partidos e goles só en liga doméstica.

editar datos en Wikidata ]

TraxectoriaEditar

Comezou xogando ao fútbol no São Paulo Futebol Clube no ano 1991, equipo que alternou con cesións no Anapolina AA e no Goiânia EC. En 1995 foi traspasado ao XV Paracicaba, da terceira división brasileira, e co que acadou o ascenso sendo un dos xogadores máis destacados do equipo. Este bo papel fixo que fichara polo Clube Atlético Mineiro e de aí dese o salto a Europa, fichando polo FC Porto no verán de 1997 despois de gañar o Balón de prata brasileiro. Despois de dúas tempadas no Porto fichou pola UC Sampdoria da Serie A italiana.

No ano 2000 fichou polo Celta de Vigo, por aquel entón xa asentado nas competicións europeas e que aspiraba a un salto de calidade. Compartiría centro do campo con xogadores nun grande estado de forma como Giovanella, Vagner ou o peruano Jayo. As lesións fixeronlle perder a titularidade en favor deste último, que chegou ao equipo no mercado de inverno.

Nos tres anos que militou no Celta o equipo clasificouse para competición europea, para a Copa da UEFA nas dúas primeiras e para a Liga de Campións na última, porén o seu peso no equipo foi indo a menos coa chegada de xogadores como Peter Luccin ou José Ignacio. Precisamente no mercado de inverno deste último ano sería cedido ao Middlesbrough FC.

O equipo inglés faríase coa súa propiedade e alí militou tres tempadas máis conquistando a Copa da Liga no ano 2004. Ao remate do contrato co Boro fichou por outro equipo inglés, o Blackpool FC, onde so xogaría uns meses para volver posteriormente a Brasil para xogar no América de Sao Paulo e retirarse no Mirassol FC no ano 2008.

Coa selección de fútbolEditar

O 27 de abril de 1995, xogando no Clube Atlético Mineiro, foi convocado por primeira vez coa Selección de fútbol do Brasil e foi xa xogando no FC Porto cando debutou nunha Copa Mundial, en Francia 1998.

PalmarésEditar

ClubsEditar

São Paulo
XV de Piracicaba
Atlético Mineiro
Porto
Celta de Vigo
Middlesbrough

AdestradorEditar

Ituano
Vasco da Gama