Cuarcita armoricana

A cuarcita armoricana (denominada tamén como cuarcita ordovícica) é unha formación xeolóxica composta por cuarcitas e cuarzoarenitas con cemento silícico, que se formou no ordovícico inferior.

Cuarcita armoricana da Peña Furada, en Gallegos del Campo (Zamora).

É unha formación rochosa moi típica dos macizos, como no macizo Ibérico (nas zonas Asturoccidental-Leonesa, Cantábrica, Centroibérica e Ossa-Morena) e no macizo Armoricano, que é o que lle dá o nome, xa que este procede das descricións realizadas neste macizo situado na antiga Armórica, rexión xeolóxica da Bretaña.

Aparicións na Península Ibérica

Existen exemplos na Península Ibérica, como no Parque Nacional de Monfragüe ou na Serra Morena, así como no cabo de Peñas, os montes de Toledo e na serra da Culebra (provincia de Zamora). En Galicia atópase, por exemplo, na serra do Courel.

Véxase tamén

Outros artigos

• Cuarcita
• Macizo Armoricano