Corredores de sombra
Corredores de sombra é un libro de Agustín Fernández Paz publicado en 2006 por Edicións Xerais. En maio de 2008 saíu do prelo a 6ª edición.
| Corredores de sombra | |
|---|---|
.jpg) | |
| Autor/a | Agustín Fernández Paz |
| Cuberta | Antonio Seijas |
| Orixe | España |
| Lingua | galego |
| Colección | Fóra de Xogo (nº 91) |
| Xénero(s) | literatura xuvenil |
| Editorial | Edicións Xerais |
| Data de pub. | marzo 2006 |
| Formato | 13 x 21 cm. edición rústica cosida a fío |
| Páxinas | 232 |
| ISBN | 978-84-9782-425-5 |
| [ editar datos en Wikidata ] | |
Trama editar
Clara Soutelo é unha rapaza de 15 anos que veranea no pazo que os seus pais teñen na vila de Cartelle. Membro dunha familia "ben", as súas afeccións son ler e escoitar música punk, e todo apunta a que vai ser outro aburrido verán. Porén, tras coñecer a Miguel, un rapaz da vila, e coa compañía do seu tío, axudará a sobrelevar e investigar a aparición dun esqueleto emparedado entre dous tabiques da súa casa.
Narración editar
A trama está ambientada en 1995, se ben a autora nárrao no 2005, lembrando os feitos e incluíndo anacos do seu diario. Utilizando a primeira persoa, non se limita a comentar os feitos, senón que continuamente lembra os seus sentimentos daquel verán, no que tivo bos momentos (como coñecer ao seu primeiro amor) e malos (como aturar as continuas rifas co seu pai e os desencontros coa familia).
Traducións editar
- Ao castelán por Mª Isabel Soto López co título de Corredores de sombra publicado en 2006 por Editorial SM, Gran Angular[1].
- Ao catalán por Josep Franco Martínez co título de Passadissos d'ombra publicado en 2007 por Editorial Bromera.[2]
- Ao inglés por Jonathan Dunne co título de Corridors of Shadow publicado en 2017 por Small Stations.[3]
Notas editar
- ↑ "Corredores de sombra". bibliotraducion.uvigo.es. Arquivado dende o orixinal o 16 de marzo de 2018. Consultado o 2019-07-18.
- ↑ "Passadissos d'ombra". bibliotraducion.uvigo.es. Arquivado dende o orixinal o 16 de marzo de 2018. Consultado o 2019-07-18.
- ↑ "Corridors of Shadow". bibliotraducion.uvigo.es. Arquivado dende o orixinal o 25 de setembro de 2019. Consultado o 2019-07-18.