Colorado Springs, Colorado

Colorado Springs é unha cidade localizada no condado de El Paso no estado estadounidense de Colorado. No censo dos Estados Unidos de 2010 tiña unha poboación de 416.427 habitantes e unha densidade de poboación de 824,93 km².

Colorado Springs, Colorado

Colorado Springs (en)
Localización
38°51′48″N 104°47′31″O
Estado	Estados Unidos de América
Estado federado	Colorado
County of Colorado (en)	Condado de El Paso (pt)
Capital de	Condado de El Paso (pt)
Poboación
Poboación	478.961 (2020) (943,55 hab./km²)
Número de fogares	184.788 (2020)
Lingua oficial	lingua inglesa
Xeografía
Situado na entidade territorial estatística	Colorado Springs metropolitan area (en) (Poboación:755.105)
Superficie	507,614753 km²
Auga	0,1876 % (1 de abril de 2010)
Altitude	1.839 m
Creación	1871
Organización política
• Alcalde	John Suthers (pt) (2015–2023) Yemi Mobolade (pt) (2023–)
Membro de	Pikes Peak Area Council of Governments (en)
Identificador descritivo
Código postal	80901–80951, 80960, 80962, 80970, 80977, 80995, 80997
Fuso horario	Horário padrão da montanha (pt)
Prefixo telefónico	719
Outro
Irmandado con	Smolensk Bankstown (en) Palmas Nuevo Casas Grandes (pt) Fujiyoshida (pt) Bixkek Kaohsiung
Páxina web	coloradosprings.gov

Turismo

Ademais de Pikes Peak, hai moitas atraccións turísticas na zona, incluíndo o Xardín dos Deuses no que destacan as formacións de arenito vermello, o Manitou Cliff Dwellings, o Complexo de Adestramento Olímpico dos Estados Unidos e a Academia da Forza Aérea dos Estados Unidos. De acordo coa Oficina de Convención e Visitantes de Colorado Springs, a área atrae preto de seis millóns de turistas cada ano.

A cidade está comunidada a través do aeroporto de Colorado Springs.

Industria

• Centro de Operacións da Montaña Cheyenne: un centro de mando militar albergado baixo a Montaña Cheyenne, ao sur de Pike Peak.
• Base da Forza Aérea Peterson (industria militar).
• Academia da Forza Aérea dos Estados Unidos (industria militar).
• FrontRange Solutions (software).

Na cidade está unha das cinco estacións mestras do seguimento terrestre de GPS (as outras catro estacións do sistema están en Kwajalein, Hawai, Diego García e Ascensión).

Educación

O Distrito Escolar 11 de Colorado Springs xestiona as escolas públicas. A cidade acolle o Colorado College e a Universidade de Colorado en Colorado Springs (UCCS), ademais da Academia da Forza Aérea dos Estados Unidos.

Deporte

O equipo de béisbol Colorado Springs Sky Sox xoga na Liga da Costa Pacífica (clasificación AAA). É un equipo das ligas menores correspondente aos Colorado Rockies.

Relixión

Nos últimos anos, Colorado Springs atraeu un grande fluxo de protestantes. Os grupos protestantes con sede en Colorado Springs inclúen Enfoque á Familia ("Focus on the Family"; unha organización cristiá e política), Compasión International, The Navigators, Youth with a Misión, Young Life e a International Bible Society.

Eventos

O 23 de xaneiro de 2001, a policía obtivo un indicio de que os dous membros que aínda non foran capturados do grupo criminal Texas 7, buscados por roubo e o asasinato dun oficial da policía, escondíanse no Holiday Inn en Colorado Springs. Os dous fuxitivos realizaron algunhas transmisións de radio en directo antes de ser arrestados.

O 15 de febreiro de 2003, 4.000 manifestantes reuníronse en Academy Boulevard para protestar en contra da Guerra de Iraq. Despois da manifestación e masrcha pacíficas, a multitude foi dispersada con gases lacrimóxenos, aspersores de pementa e balas de goma. Houbo varios arrestados.

Nese ano, fíxose pública a evidencia que acusaba o Departamento de Policía de Colorado Springs por ter colaborado coa Policía de Denver, para reunir o que se coñece como os Arquivos Espía. Estes arquivos conteñen información reunida polo departamento de policía a través da vixilancia de activistas, organizacións e manifestantes que non incumpriran a lei.

Véxase tamén

Ligazóns externas

• Cidade de Colorado SpringsArquivado 02 de outubro de 2003 en Wayback Machine. (en inglés)