Chunichi Dragons

Os Chunichi Dragons (中日ドラゴンズ, Chūnichi Doragonzu) son un equipo profesional de béisbol xaponés con na cidade de Nagoia, principal cidade da Rexión de Chūbu. O club compite na Nippon Professional Baseball (NPB) como membro da Central League. Entre o seu palmarés destacan nove títulos da Liga Central (o último en 2011), dous das Series do Xapón (1954 e 2007) e un das Series de Asia (2007).

Chunichi Dragons
Fundado en 1936 En Nagoia desde 1936
Insignia
Liga
Liga	Nippon Professional Baseball
División	Central League (1950–presente)
Imaxe do equipo
Retirados	10, 15
Cores	Azul, branco
Datos do equipo
Anterior	Nagoya-gun (1936–1943) Sangyo-gun (1944) Chubu Nippon (1946) Chubu Nippon Dragons (1947) Chunichi Dragons (1948–1950) Nagoya Dragons (1951–1953)
Alcumes	Ryu (竜, dragóns)
Estadio	Nagoya Dome (1997–presente)
Estadios antigos	Korakuen Stadium (1948) Nagoya Baseball S. (1949–1996)
Mascota	Doala, Shaolon e Paolon
Dono	Uichirō Ōshima (Chunichi Shinbun)
Adestrador	Tsuyoshi Yoda
Títulos
Nippon S. (2)	1954, 2007
Central L. (9)	1954, 1974, 1982, 1988, 1999, 2004, 2006, 2010, 2011

Historia

O equipo foi fundado en 1936 co nome da cidade que o albergaba, Nagoia. Sen patrocinador durante as súas primeiras tempadas, o club mudou a súa denominación en 1944 cando a empresa Sangyo adquiriu o club e puxo o nome da súa compañía. Ao terminar a segunda guerra mundial o equipo volve mudar de propietario e é renomeado como Chubu Nihon. En 1947 pasa a ser adquirido polo Chunichi Shinbun. O novo propietario engade á franquía o alcume de Dragons (Dragóns) e inclúe o nome da súa empresa no do equipo. Durante as súas primeiras temporadas no campionato nacional profesional, os resultados non lle fan destacar demasiado. Con todo, a partir de 1950, ano en que se estabelece a Liga Central e pasan a chamarse Nagoya Dragons, o conxunto mellora o seu xogo e consegue terminar na segunda posición.

En 1954 os Dragons adquiren o seu nome definitivo, Chunichi Dragons. Ese mesmo ano conseguen gañar a Liga Central e a súa primeira Serie do Xapón após vencer por catro partidos a tres ante os Nishitetsu Lions. Debido á superioridade dos Giants nas décadas de 1950 e 1960, a franquía non volve gañar un título até 1974, cando volven vencer na súa División. Porén, perden a final ante Lotte Orions por 4−2.

Nos anos 1980 os Dragons conseguen tres títulos de Liga en 1982, 1988 e 1989. Ademais, xogaron dúas Series do Xapón na época, en 1982 e 1988, perdendo ambas ante os Saitama Seibu Lions, equipo dominador do béisbol xaponés da dácada. En 1999 e 2004 volveron gañaron o título de Liga, mais volveron caer nas Series, en ambas ocasións fronte os Fukuoka Daiei Hawks. O segundo título das Series chega por fin en 2007 tras 53 anos. Nesta ocasión conseguen vencer por 4-1 aos Hokkaido Fighters sendo as catro vitorias consecutivas. Ademais conseguen novembro desde mesmo ano as súas primeiras e únicas Series de Asia ao vencer na final ao SK Wyverns surcoreano.

Nomes

Ao longo dos anos o equipo tivo diferentes nomes:

• Nagoya-gun (1936–1943)
• Sangyo-gun (1944)
• Chubu Nippon (1946)
• Chubu Nippon Dragons (1947)
• Chunichi Dragons (1948–1950)
• Nagoya Dragons (1951–1953)

Estadio

Artigo principal: Nagoya Dome.

Actualmente, os Chunichi Dragons xogan os seus encontros como local no Nagoya Dome, recinto con capacidade para 40.500 espectadores. Con todo, ao longo dos anos ten utilizado os seguintes estadios:

Estadio	Localización	Prefectura	Capacidade	Período
Kōrakuen Kyūjō	Bunkyō	Toquio	42.337	1948
Nagoya Kyūjō	Nagoia	Aichi	4.495	1949	1996
Nagoya Dome	Nagoia	Aichi	40.500	1997	−

Xogadores

Dorsais retirados

Dorsais retirados polos Chunichi Dragons
Nº	Xogador	Posición	Período
10	Tsuguhiro Hattori	Pitcher	1939–1958
15	Michio Nishizawa	Pitcher	1936–1958

Xogadores MLB

País	Xogador	Posición	Temporadas no equipo
	Wei-Yin Chen	Pitcher	2004–2011
	Matt Clark	Primeira base	2013
	Darnell Coles	Terceira base	1996
	Kosuke Fukudome	Outfielder	1999–2007
	Leo Gómez	Terceira base	1997–2002
	Kenshin Kawakami	Pitcher	1998–2008, 2012–2014
	Vance Law	Terceira base	1990
	Ken Macha	Terceira base	1982–1985
	Akinori Otsuka	Pitcher	2003
	Lee Sang-hoon	Pitcher	1998–1999
	Matt Stairs	Outfielder	1993

Véxase tamén

Ligazóns externas

• Sitio web oficial