Cesc Gay

Francesc Gay i Puig, máis coñecido coma Cesc Gay (Barcelona, 1967) é un director de cinema e guionista catalán.

Cesc Gay i Puig
Nome completo	Francesc Gay i Puig
Alcume	Cesc Gay
Nacemento	1967
Lugar de nacemento	Barcelona Cataluña
Nacionalidade	España
Ocupación	Director
Coñecido por	In the City e Truman
Premios	Gaudí Award for Best Original Screenplay, Premio Goya á mellor película, Premio Goya ó mellor guión orixinal, Gaudí Award for Best Original Screenplay e Gaudí Award for Best Director
Na rede
[ editar datos en Wikidata ]

Biografía

Estudou cinema na EMAV (Escola de Mitjans Audiovisuals de Barcelona) onde de graduou en 1990. Debutou coma director en 1998, xunto co arxentino Daniel Gimelberg, coa súa obra Hotel Room. Por volta do ano 2000 foi elixido para levar ao cinema a obra de teatro Kràmpack, realizando ademais a súa adaptación.

En 2002 foi o creador e responsábel da coordinación de guión da serie de TV3 Jet lag, realizada pola compañía T de Teatre. En 2003 estrea o filme En la ciudad (protagonizada entre outros por Mònica López, Eduard Fernández, María Pujalte) e Leonor Watling, coa que consegue o recoñecemento mundial ao seu traballo; con ela Eduard Fernández consegue o Premio Goya ao mellor actor secundario, obtendo tres nomeamentos máis, para Mònica López coma actriz de secundaria e para o propio Cesc Gay á dirección e ao guión adaptado.

En 2006 estrea Ficció, protagonizada por Eduard Fernández, Javier Cámara, Montse Germán, Carme Pla e mais Àgata Roca, e producida por Gerardo Herrero e Marta Esteban. Por este filme foi galardoado co Premio Nacional de Cinema concedido pola Generalitat de Cataluña en 2007. Posteriormente dirixiu V.O.S, unha adaptació da obra teatral de Carol López. No ano 2012 estrea Una pistola en cada mano (en galego, Unha pistola en cada man), interpretada entre outros por Ricardo Darín, Luís Tosar, Javier Cámara, Eduard Fernández, Alberto San Juan, Candela Peña, Eduardo Noriega e Leonor Watling.

En 2015 dirixiu Truman, unha coprodución hispano-arxentina con Javier Cámara e Ricardo Darín, un filme que retrata o emotivo reencontro de dous vellos amigos pola doenza terminal dun deles, e que conseguiu 11 nomeamentos aos premios Gaudí e seis nomeamentos aos premios Goya, dos que gaña cinco, incluídos mellor filme e mellor director para Cesc Gay.

Filmografía

Filmes

Ano	Título	Xénero	Ocupación
2015	Truman	Comedia	Director e guionista.
2012	Una pistola en cada mano	Comedia, Drama	Director e guionista.
2009	V.O.S.	Comedia	Director e guionista.
2006	Ficción	Drama	Director, guionista e deseñador de son.
2004	Canciones de amor y de droga (de Pepe Sales)	Música	Director
2003	En la ciudad	Drama	Director e guionista.
2000	Kràmpack	Comedia, Drama, Romance	Director e guionista.
1998	Hotel Room	Comedia, Drama	Director e guionista.

Televisión

Ano	Título	Xénero	Ocupación
2012 - 2013	La Riera	Drama	Guionista
2009 - 2010	50 años de		Director
2001 - 2006	Jet Lag		Guionista
1999 - 2000	Polar	Comedia, drama	Director e guionista

Documentais

Ano	Título	Xénero	Ocupación
2014	Encants: diari d'un trasllat "Encantes: diario dun traslado"	Comedia	Guionista

Curtametraxes

Ano	Título	Xénero	Ocupación
1991	La ecuación del vértigo		Actor

Premios e nomeamentos

Premios Goya

Ano	Categoría	Filme	Resultado
2015	Mellor dirección	Truman	Gañador
2004	Mellor dirección	En la ciudad	Nomeado
	Mellor guión orixinal
2001	Mellor director novel	Kràmpack	Nomeado
	Mellor guión adaptado

Festival de Donostia

Ano	Categoría	Filme	Resultado
2003	Cuncha de Ouro	En la ciudad	Nomeadda
2000	Premio Sebastiane	Kràmpack	Gañador

Véxase tamén

Ligazóns externas

• Ficha do director en IMDb
• Ficha do director en Filmaffinity