Castro do Achadizo
O castro do Achadizo é un poboado castrexo fortificado da Idade de Ferro. Localízase na parroquia de Castro, no concello de Boiro. Estivo habitado principalmente entre os séculos VI e II a. C.[1].
| Castro do Achadizo | |
|---|---|
 | |
| Parroquia | Castro |
| Concello | Boiro |
| Provincia | A Coruña |
| Comunidade autónoma | Galicia |
| Id. catálogo | GA15011027 |
| Cronoloxía | |
| Datas de ocupación | séc. VI-II a.C. |
| Data da descuberta | Descoñecida |
| Períodos de escavación | 1991 en adiante |
| Estado actual | Consolidado e integrado nun espazo público |
| Extensión estimada | ? ha. |
| Véxase tamén | |
| Castros de Galicia | |
Morfoloxía
editarPertence ao tipo de castros denominados "costeiros". A súa aparencia está moi desfigurada polo barrio construído sobre gran parte do depósito. As escavacións realizadas nel sacaron á luz varias estruturas arquitectónicas de carácter habitacional e restos da muralla pétrea, así como varios vertedoiros. Estes vestixios foron consolidados, sinalizados e integrados nunha área pública de esparexemento.
En 1991 o alumnado de 4º de EXB do CEIP Santa María do Castro, investigando as orixes da súa parroquia na clase de coñecemento do medio, chegou ao centro cunhas "tellas". Segundo eles, atopáranas no lugar onde xogaban ao peletre, preto do club de remo, no peirao. Unha vez visto o material, o profesorado, dubidando de se trataría de auténticas pezas arqueolóxicas, informa á administración e a Consellería de Cultura e Xuventude realiza as escavacións. Estas foron dirixidas polo arqueólogo Anxo Concheiro. Participaron no proceso da descuberta Pilar Rama López, Manuela Mato Porto, Xáquin Fernández Toucedo e o alumnado de 4º.
Notas
editarVéxase tamén
editar| A Galipedia ten un portal sobre: Cultura castrexa |
Ligazóns externas
editar- O castro do achadizo imaxes e máis información.