Castro de Nós

O castro de Nós, tamén chamado Alto das Gobernas, ou Monte do Castro, ou Castro de Sarro, ou Castro Iñás, é un castro situado na parroquia de San Pedro de Nós, no concello coruñés de Oleiros.

Castro de Nós
Tipo	castro
Localización
43°18′54″N 8°19′41″O
Estado	España
Comunidade autónoma	Galicia
Provincia	provincia da Coruña
Concello	Oleiros
Parroquia	San Pedro de Nós
Patrimonio cultural
Id. catálogo	GA15058013
[ Wikidata ]

Morfoloxía

Consta dun recinto fortificado de planta elíptica. Ten unhas dimensións de 160 metros no eixo este-oeste e 80 metros no eixo norte-sur.

As defensas están formadas por un talude na parte norte, cun terraplén exterior cunha altura de case 4 metros, case vertical na súa cara exterior pero de pendente lene na cara interior. Na zona oeste preséntanse un foxo e un parapeto que salvan un desnivel de ata 8 metros. O lado meridional está defendido pola caída natural do terreo, pechándose tan só cun terraplén.

Na parte noroeste está o acceso. Aprécianse algunhas estruturas que poderían ser un sistema defensivo para protexer a entrada ó interior do asentamento.

Arqueoloxía

Non se ten noticia de que se realizasen campañas arqueolóxicas.

Véxase tamén

Outros artigos

• Castro (poboado)
• Cultura castrexa
• Castros da provincia da Coruña

Ligazóns externas

• Catálogo. PXOM de Oleiros. Novembro do 2008.