Castro de Monte Castrelo
poboado castrexo nos concellos de Allariz e A Merca
O castro de Monte Castrelo, tamén chamado Cima de Vila, é un castro situado entre a parroquia de San Vitoiro da Mezquita e San Mamede de Urrós, no concello ourensán de Allariz, e a de Proente, no concello tamén ourensán da Merca.
| Castro de Monte Castrelo | |
|---|---|
| Parroquia | San Vitoiro da Mezquita, San Mamede de Urrós, Proente |
| Concellos | Allariz, A Merca |
| Provincia | Ourense |
| Comunidade autónoma | Galicia |
| Cronoloxía | |
| Véxase tamén | |
| Castros de Galicia | |
Morfoloxía
editarConsta dun recinto fortificado situado sobre un outeiro a 655 metros sobre o nivel do mar. Na aba que mira ó concello da Merca obsérvanse tres liñas de murallas con cadanseus socalcos, pero non así na vertente que se asoma ó concello de Allariz.
Arqueoloxía
editarDurante prospeccións arqueolóxicas atopáronse restos de cerámica con desengraxantes de seixo pertencentes a bordos e corpos. Apareceron tamén anacos de cerámica medieval, que foron depositados no Museo Arqueolóxico de Ourense.
Véxase tamén
editarOutros artigos
editarLigazóns externas
editar- Catálogo de elementos arqueolóxicos. PXOM de Allariz. Abril do 2003.