Castro de Centroña
poboado fortificado en Centroña, Pontedeume
Coordenadas: 43°24′06″N 8°11′42″O / 43.40153, -8.19498
Castro de Centroña ou Os Castros é un poboado castrexo situado no lugar de Castrelo, en Centroña (Pontedeume), no cumio dun monte de escasa altura.
| Castro de Centroña | |
|---|---|
 | |
| Parroquia | Centroña |
| Concellos | Pontedeume, Miño |
| Provincia | A Coruña |
| Comunidade autónoma | Galicia |
| Id. catálogo | GA15048001 |
| Cronoloxía | |
| Datas de ocupación | - |
| Data da descuberta | - |
| Períodos de escavación | - |
| Estado actual | - |
| Extensión estimada | 0,9 ha. |
| Véxase tamén | |
| Castros de Galicia | |
Tamén é coñecido como Perbes ou Castrelo.[1]
Consta dun recinto principal de forma elíptica, amurallado e rodeado á súa vez por un antecastro no lado norte e oeste. Circúndano, na súa totalidade, un importante sistema de socalcos. As medidas do eixe principal son de 110 metros e no eixe menor 90 metros.
En 1912 atopouse un torque de ouro que se conserva no Museo Provincial de Lugo. O historiador e xeógrafo Pomponio Mela no ano 44 identifica este castro coa cidade ártabra de Ardóbrica[2].
Notas
editar- ↑ Pin, Irene (17 de abril de 2020). "O Castro de Centroña, un "perfecto descoñecido"". Nós Diario. Consultado o 17 de abril de 2020.
- ↑ Castro de Centroña ou de Castrelo na páxina web colaborativa Patrimonio Galego.