Abrir o menú principal

María del Carmen Estévez Eguiagaray, nada en León o 9 de setembro de 1925 e falecida o 23 de febreiro de 1996 en Roxos (Santiago de Compostela), foi unha personalidade pública galega, muller do ex presidente da Xunta Manuel Fraga.

Carmen Estévez
Nacemento9 de setembro de 1925
 León, España
Falecemento23 de febreiro de 1996 (70 anos)
 Santiago de Compostela, Galicia
NacionalidadeEspañola
CónxuxeManuel Fraga
FillosCarmen, Isabel, José Manuel, Ignacio e Adriana
editar datos en Wikidata ]

TraxectoriaEditar

 
Embaixada de España en Londres onde residiu co seu marido.
 
Nicho de Carmen Estévez en Perbes.

Filla dun militar de Verín, seguiu o seu pai en diferentes traslados ata que en 1945 se estableceu na cidade de Madrid. Ese mesmo ano coñecía a Manuel Fraga e casaba con el o 17 de xaneiro de 1948 na capital de España. Estudante de Dereito na Universidade Complutense de Madrid, deixou a carreira coa voda e traballou a partir de aí no coidado da familia, pois tivo cinco fillos naturais e un adoptado.

Viviu en Madrid ata 1973, cando marchou a Londres acompañando o seu home no seu traballo de embaixador. En 1975 regresou a Madrid, onde permaneceu ata que Fraga accedeu á presidencia da Xunta de Galicia (1989). Posteriormente viviu en Santiago de Compostela ata o seu falecemento. Despois de sufrir un grave accidente de automóbil en 1993, en 1995 diagnosticáronlle un cancro, que lle acabaría por provocar a morte. Foi soterrada en Perbes.

O seu papel como muller do presidente da Xunta foi escasamente público, con escasas aparicións.


Predecesor:
Rosa Liaño
  
Parella do Presidente da Xunta de Galicia
 
1990–1996
Sucesor:
Esther Cid