Carlos José Blanco Smith
Carlos José Blanco Smith nado en Australia[Cómpre clarificar][onde?] o 18 de febreiro de 1985, é un xogador galego de rugby, máis coñecido como Carlos Blanco. Xogou no Vigo Rugby Club na posición de centro entre 2010 e 2013, e foi internacional coa Selección de rugby de España.
| Biografía | |
|---|---|
| Nacemento | 18 de febreiro de 1985  (39 anos)Australia |
| Datos persoais | |
| País de nacionalidade | España |
| Actividade | |
| Lingua | Lingua castelá |
Carreira deportiva editar
No 2005 quedou subcampión do mundo coa Selección de rugby de Australia no mundial xuvenil disputado en Suráfrica, caendo na final fronte á Selección de rugby de Nova Zelandia xuvenil na que xogaba o seu actual compañeiro no Vigo Rugby Club, Riki Tukaki.[1]
No ano 2010 rematou os seus estudos e deixou a súa Australia natal, chegando a Galicia, terra do seu pai, coa intención de ensinar Lingua inglesa ou xogar ó rugby, asinando ó final co Vigo Rugby Club. Aínda en 2010, a pesar de xogar nun equipo de División de Honra B, Carlos Blanco foi chamado para xogar coa selección española de rugby a 7 nun torneo de Sri Lanka. Dende entón é un xogador fixo na selección española. Poucos meses despois, tamén foi chamado para xogar coa selección de rugby absoluta, coa que debutou o 19 de marzo de 2011.[2]
Co Vigo Rugby Club, Carlos Blanco acadou na tempada 2010-11 o primeiro ascenso á División de Honra na historia do rugby galego, así como a Copa Xunta 2011.
Na tempada 2012/13 Carlos Blanco disputou as Series Mundiais de Sevens e apenas xogou co Vigo Rugby Club. Ó remate desa tempada deixou tanto a selección como o club para regresar a Australia.[3]
Notas editar
- ↑ "Jugador de Vigo es convocado para la Selección Española de Seven"[Ligazón morta], artigo en La Voz de Galicia (en castelán)
- ↑ "Carlos Blanco, el australiano que viajó a España para ser gallego y jugar al rugby" Arquivado 24 de agosto de 2011 en Wayback Machine., artigo en El Confidencial, 19 de marzo de 2011 (en castelán)
- ↑ 'Norm y Blanco ya no están, pero seguiré con más ilusión', artigo de Atlántico Diario. (en castelán)