Camilo Lorenzo
Camilo Lorenzo Iglesias, nado en Porto do Souto (Piñor) o 7 de agosto de 1940 e finado en Astorga o 13 de xullo de 2020, foi un bispo católico e químico galego. Desde 1995 ata 2015 foi o bispo de Astorga, e a partir desa data e até o seu falecemento, bispo emérito.
| Camilo Lorenzo Iglesias | |
|---|---|
.jpg) O bispo Camilo Lorenzo durante 2016 | |
| Bispo da Igrexa Católica Latina | |
| Biografía | |
| Nacemento | 7 de agosto de 1940 en Piñor, provincia de Ourense |
| Alma máter | Universidade de Santiago de Compostela |
| Ordes | |
| Ordenación sacerdotal | 23 de decembro de 1661 |
| Consagración episcopal | 30 de xullo de 1995, por Mario Tagliaferri |
| Bispo de Astorga | |
| 1995 - 2015 | |
| Predecesor | Antonio Briva Miravent |
| Sucesor | Juan Antonio Menéndez Fernández |
| Outros | |
 Escudo de Camilo Lorenzo Iglesias | |
Traxectoria Editar
En 1954 comezou os seus estudos eclesiásticos no Seminario maior de Ourense, sendo ordenado sacerdote o 23 de decembro de 1966. Nese mesmo ano comezou a carreira de Ciencias Químicas na Universidade de Santiago de Compostela, licenciándose en 1972.
En 1972 comezou a traballar como docente no seminario menor de Ourense, cargo que mantivo até 1995. Tamén en 1972 comezou como vigairo da parroquia da Nosa Señora de Fátima de Ourense. En 1983 foi nomeado reitor do seminario menor de Ourense, e en 1992 pasou a ser reitor do seminario maior da cidade, amais de membro do Colexio de Consultores da Diocese de Ourense.
O 14 de xuño de 1995 o papa Xoán Paulo II nomeouno bispo da diocese de Astorga, e recibiu o Sacramento da Orde a mans de monseñor Mario Tagliaferri (por entón nuncio apostólico en España), con Gabino Díaz Merchán (entón Arcebispo de Oviedo) e Xosé Diéguez Reboredo (por entón bispo de Ourense) como co-consagrantes da cerimonia de toma de posesión. Sucedeu no cargo de bispo a Antonio Briva Miravent.
En 1996 pasou a ser membro da Conferencia Episcopal Española, pertencendo á Comisión Episcopal de Seminarios e Universidades até 2008. Amais, desde o 2005 foi membro da Comisión de Misión. Por idade xubilouse en 2015, e pasou a levar o tratamento de bispo emérito. Seguiu residindo en Astorga até o seu falecemento.
Véxase tamén Editar
Ligazóns externas Editar
| Commons ten máis contidos multimedia sobre: Camilo Lorenzo |
- Ficha en Catholic-hierarchy
- Biografía na web da Conferencia Episcopal Española (en castelán).
- Membros pertencentes á Comisión de Misións da CEE (en castelán).
- Web Oficial da Diocese de Astorga (en castelán).
| Predecesor: Antonio Briva Miravent |
 Bispo de Astorga 1995-2015 |
Sucesor: Juan Antonio Menéndez Fernández |