CB L'Hospitalet
O Club Baloncesto L'Hospitalet é un club de baloncesto profesional catalán con sede en L'Hospitalet de Llobregat, Barcelona. Actualmente (2010) compite na Liga LEB Prata.
| Torrons Vicens L'Hospitalet | |
| Información xeral | |
|---|---|
| Liga |  LEB Prata
|
| Fundación | 1939 |
| Cores | Branco, azul |
| Presidente | Xavier González |
| Adestrador | Mateo Rubio |
| Localización | |
| Cidade |  L'Hospitalet de Llobregat
|
| Pavillón | L'Hospitalet Nord (2.000) |
| Campionatos | |
| Copa do Rei | 1 (1940) |
| www.cbhospitalet.com | |
HistoriaEditar
Fundado en 1929, é un dos clubs máis antigos de España no deporte da canastra. A pesar de que actualmente compite na LEB Prata, que é a terceira categoría do baloncesto español, o L'Hospitalet é un club histórico do baloncesto español, fundador da Liga ACB, e que ten na súa palmarés unha Copa do Rei, conseguida en 1940 e dous Campionatos de Cataluña (1940 e 1941).
Na tempada 1973-1974 conseguiu o ascenso á primeira división da Liga española, na que militou até 1978, en que descendeu á Segunda División. Foi, en 1983, un dos clubs fundadores da Liga ACB, aínda que só puido disputar o campionato da liga 1983-1984, xa que descendeu de categoría.
Tras diversos descensos, na tempada 1999-2000 disputou a Liga EBA, da que se proclamou campión na tempada 2003-2004 logrando o ascenso a [Liga Española de Baloncesto|LEB-2]. Na tempada 2004-2005 proclamouse campión de LEB-2 e ascendeu á LEB Ouro. En 2009 xoga na LEB Prata. Xoga con camiseta branca e pantalón azul. O equipamento reserva consiste en pantalón e camiseta azul.
Véxase taménEditar
Ligazóns externasEditar
- Sitio web oficial (en catalán)
- Perfil na web da FEB (en castelán)