José Ángel Antelo

José Ángel Antelo Paredes, nado en Noia o 7 de maio de 1987, é un ex xogador galego de baloncesto profesional e político. Xogaba de ala-pivote e mide 203 centímetros.

José Ángel Antelo

Biografía
Nacemento	7 de maio de 1987 (37 anos) Noia, España
Concelleiro de Murcia
15 de xuño de 2019 – Electo en: eleccións municipais de 2019 en Murcia
Datos persoais
País de nacionalidade	España
Altura	203 cm
Peso	102 kg
Actividade
Ocupación	baloncestista
Período de actividade	2004 - 2019
Partido político	Vox
Lingua	Lingua castelá
Deporte	baloncesto
Posición de xogo	Ala-pivote
Traxectoria   Equipo 2003-2003 Spain men's national under-16 basketball team (en) 2003-2007 Real Madrid Baloncesto 2004-2005 →cesión a  Cáceres CB 2004-2005 →cesión a  Cáceres Ciudad del Baloncesto 2005-2006 →cesión a  Basket Zaragoza 2002 2006-2006 →cesión a  Stadium Casablanca (en) 2006-2006 Spain men's national under-20 basketball team (en) 2006-2007 →cesión a  CB Bilbao Berri 2007-2008 CB L'Hospitalet 2008-2009 Tenerife Club de Baloncesto 2009-2010 Baloncesto Fuenlabrada 2010-2010 Baloncesto León 2010-2012 Cáceres Ciudad del Baloncesto 2012-2018 CB Murcia   Selección nacional 2004-2005   Spain men's national under-18 basketball team (en)

Traxectoria

Formado na canteira do C.B. Noia, aos dez anos marchou para as categorías inferiores do Real Madrid, que era o club propietario do seu contrato. Na campaña 2004-05 xogou cedido no Cáceres CB e na 2005-06 no CAI Zaragoza, xogou posteriormente co Bilbao Basket (ACB): 2006-2007, Club Bàsquet L'Hospitalet (LEB): 2007-2008, Tenerife Club de Baloncesto (LEB Ouro): 2008-2009, Baloncesto Fuenlabrada (Liga ACB): 2008-2010, Baloncesto León (LEB Ouro): 2010 e Cáceres 2016 Basket (LEB Ouro): 2010-2011.

Antelo Paredes formou parte da primeira selección nacional de baloncesto de Galicia, que debutou fronte ao Xapón, o 28 de xuño de 2006. Tamén integrou a segunda convocatoria desta selección, o 21 de xuño de 2007, contra Cuba.

En 2019 retirouse do baloncesto profesional logo de varias lesións no tendón de Aquiles.

Traxectoria política

Tras a súa retirada deportiva pasou a militar no partido político Vox. Entrou na corporación municipal de Murcia como concelleiro e preside Vox Murcia dende decembro de 2019.

Títulos

• Campión de Europa júnior, 2004, coa selección española. Na final, España-Turquía (89-71), Antelo anotou 22 puntos.
• Cuarto no campionato de Europa júnior, 2005, coa selección española.
• Campión de España cadete, 2002 e 2003, co Real Madrid.

Véxase tamén

Ligazóns externas

• Perfil en ACB.com (en castelán)