Biosensor

Un biosensor é un dispositivo para a análise, que emprega un compoñente biolóxico para a detección dun analito. Un exemplo de biosensor primitivo é o canario que empregaban os mineiros de carbón. Na actualidade, empréganse biosensores como por exemplo un eléctrodo medidor da concentración de glucosa en sangue.

Interruptor de Canle de Ións - Canle aberta.

Interruptor de Canle de Ións - Canle pechada.

Partes dun biosensor

Adoita constar das seguintes partes:

• O elemento biolóxico sensitivo, material biolóxico máis ou menos complexo, dende un anticorpo ata tecidos, que interactúa dalgún xeito co analito.
• O elemento transductor ou detector, o cal detecta a interacción entre o elemento sensitivo e o analito e o traduce a outro tipo de sinal que se poida interpretar de xeito máis sinxelo. Pódense empregar métodos químicos ou físicos, como electrónica, óptica, sistemas piezoeléctricos etc.
• O elemento procesador do sinal, o cal é xeralmente un sistema electrónico que mide o sinal transducido que recibe e o troca en datos sobre o analito, como pode ser a concentración do mesmo.

Aplicacións

Existen moitas aplicacións potenciais para os biosensores. Algúns exemplos de usos actuais son:

• Aplicacións en medicina, como a detección de glucosa en sangue (moi útil en pacientes con diabetes), analíticas de rutina, detección de patóxenos etc.
• Aplicacións ambientais, no estudo de bioameazas, pesticidas etc.
• Aplicacións en farmacoloxía.