Bethesda Softworks

Bethesda Softworks
Tipo	distribuidora de videoxogos e desenvolvedora de videoxogos
Epónimo	Tanque de Betesda (pt)
Forma xurídica	sociedade de responsabilidade limitada
Personalidades
Propietario/a	Microsoft e ZeniMax Media (pt)
Fundador/a	Christopher Weaver (en)
Director/a executivo/a	Todd Howard (-)
Actividade
Industria	industria dos videoxogos
	Produtos The Elder Scrolls; Doom; Quake; Wolfenstein (série) (pt) ; Fallout; software ; ;
Entidades
Matriz	ZeniMax Media (pt)
	Entidades subsidiarias Bethesda Game Studios; Sparkypants Studios (en) ; ;
Data
Fundación	1986
Localización
	39°06′19″N 77°10′49″O / 39.1054, -77.1804
Sede	Rockville
Lugar de formación	Bethesda
Contacto
Páxina WEB	bethesda.net
Redes
	[ Wikidata ]

Bethesda Softworks é unha empresa estadounidense dedicada á distribución e desenvolvemento de videoxogos, propiedade de ZeniMax Media. Foi fundada en 1986 e ten a súa sede en Maryland. É coñecida polos seus videoxogos de simulación deportiva, de acción e de rol.

Algúns dos seus traballos máis coñecidos son a serie The Elder Scrolls e os videoxogos Fallout 3 e Terminator. O 24 de xuño de 2009 a empresa matriz fíxose con id Software, outra empresa dedicada ó desenvolvemento de videoxogos.

Historia

Dende fai dúas décadas, Bethesda Softworks é unha compañía desenvolvedora e distribuidora de contidos para o entretemento interactivo, principalmente videoxogos para consolas e ordenadores. Foi fundada en 1986 por Christopher Weaver en Bethesda (Maryland), e a súa sede foi posteriormente desprazada a Rockville (Maryland) en 1990. En 1999, Weaver, xunto co seu socio Robert Altman, fundou ZeniMax Media, quedando Bethesda como filial de dita empresa.

Bethesda foi recoñecida dende a súa creación polo desenvolvemento do primeiro videoxogo de deportes baseado nun motor de físicas, Gridiron!, en 1986 para a Atari ST, a Commodore Amiga e a Commodore 64/128. Os seus primeiros traballos foron ben recibidos por parte da prensa especializada; por exemplo, en diversos análises do videoxogo Wayne Gretzky Hockey, catalogáselle como «un xogo excelente» ou, no caso do análise de Amiga Computing, «a simulación deportiva máis precisa e divertida que tiven o pracer de xogar».^[1]^[2] A empresa é moi coñecida por crear a serie de videoxogos de rol The Elder Scrolls, en base ao traballo orixinal de Julian Lefay. O primeiro capítulo da serie, denominado The Elder Scrolls: Arena, foi lanzado en 1994. A partir dese momento, grazas ao éxito obtido, publicáronse numerosos videoxogos relacionados. As secuelas directas, Daggerfall, Morrowind, Oblivion, e Skyrim foron publicadas en 1996, 2002, 2006 e 2011, respectivamente. Ademais, a serie tivo varios spin-offs relacionados: An Elder Scrolls Legend: Battlespire en 1997, The Elder Scrolls Adventures: Redguard en 1998 e The Elder Scrolls Travels: Shadowkey en 2004. O estudio tamén é coñecido por publicar títulos baseados en franquías populares de películas, como The Terminator, Star Trek, Pirates of the Caribbean ou Mad Max.

En 2004, Bethesda Softworks adquiriu a serie de videoxogos de rol Fallout, propiedade ata o momento de Interplay Productions, traspasando o desenvolvemento de Fallout 3 ao estudio interno Bethesda Game Studios. O videoxogo foi finalmente lanzado o 28 de outubro de 2008. Ao ano seguinte do lanzamento, publicáronse cinco expansións de contido para ese videoxogo: Operation: Anchorage, The Pitt, Broken Steel, Point Lookout, e Mothership Zeta. O 24 de xuño de 2009, ZeniMax Media, empresa matriz de Bethesda, adquiriu o estudio de desenvolvemento Id Software, cuxos títulos, incluíndo Rage, os publicaría Bethesda Softworks de aí en diante.^[3]

Bethesda continuou a ampliar a rama de distribución con novas franquías. En 2009, Bethesda lanzou Wet e Rogue Warrior, e en 2010 a seguinte entrega da serie Fallout, Fallout: New Vegas, desenvolvido por Obsidian Entertainment. En maio de 2011, a empresa distribuíu dous novos títulos, Brink, desenvolvido por Splash Damage, e Hunted: The Demon's Forge, un videoxogo de acción e fantasía desenvolvido por inXile Entertainment.

Microsoft anunciou o 21 de setembro de 2020 que chegara a un trato para adquirir ZeniMax por 7,5 mil millóns de dólares, e que o acordo se pecharía na segunda metade de 2021. ^[4] O 9 de marzo de 2021, Microsoft anunciou oficialmente a compra tralo visto e prace da Unión Europea.

Notas

↑ Walker, Jeff (Setembro de 1989). "Wayne Gretzky Hockey". Amiga Computing (en inglés) 2 (4). Consultado o 15 de agosto de 2012.
↑ Kennedy, John (Decembro de 1989). "It is the Orangeblobs v. the Blackblobs: GRIDIRON!". Amiga Computing (en inglés): 26. Consultado o 15 de agosto de 2012.
↑ "ZeniMax Media Acquires id Software" (en inglés). Reuters.com. 24 de xuño de 2009. Arquivado dende o orixinal o 17 de agosto de 2009. Consultado o 15 de agosto de 2012.
↑ "Microsoft to Buy Bethesda for $7.5 Billion to Boost Xbox" (en inglés). Archived from the original on 03 de maio de 2021. Consultado o 21 de setembro 2020.

Véxase tamén

Ligazóns externas

Sitio web oficial Arquivado 19 de febreiro de 2010 en Wayback Machine. (en inglés)

Este artigo sobre videoxogos é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Walker, Jeff (Setembro de 1989). "Wayne Gretzky Hockey". Amiga Computing (en inglés) 2 (4). Consultado o 15 de agosto de 2012.

[2] Kennedy, John (Decembro de 1989). "It is the Orangeblobs v. the Blackblobs: GRIDIRON!". Amiga Computing (en inglés): 26. Consultado o 15 de agosto de 2012.

[3] "ZeniMax Media Acquires id Software" (en inglés). Reuters.com. 24 de xuño de 2009. Arquivado dende o orixinal o 17 de agosto de 2009. Consultado o 15 de agosto de 2012.

[microsoft_buy_bethesda-4] "Microsoft to Buy Bethesda for $7.5 Billion to Boost Xbox" (en inglés). Archived from the original on 03 de maio de 2021. Consultado o 21 de setembro 2020.

[1]

[2]

[3]

[4]