Abrir o menú principal

Atticus Ross, nado o 16 de xaneiro de 1968, é un músico, compositor e produtor inglés. Ross, xunto con Trent Reznor, gañou o Premio Oscar á mellor banda sonora orixinal con The Social Network no ano 2010.

Atticus Ross
Reznor Ross G5 setup cropped.jpg
Ross (á dereita) xunto con Trent Reznor
Nacemento16 de xaneiro de 1968
OrixeLondres, Inglaterra Inglaterra
CónxuxeClauida Sarne
Ocupaciónmúsico, compositor, Produción musical, compositor de bandas sonoras e produtor de cine
Tempo en activo1992 - actualidade
editar datos en Wikidata ]

TraxectoriaEditar

Atticus Ross deuse a coñecer a mediados dos anos 90 como programador do proxecto de Tim Simenon Bomb the Bass, durante a etapa dos álbums Unknown Territory e Clear. Ross traballou en varias producións e remesturas con Simenon e ademais relacionouse con antigo membro de Bad Seed Barry Adamson. Programou The Negro Inside Me e Oedipus Schmoedipus, e producíu As Above So Below antes de formar a súa propia banda, 12 Rounds, con Claudia Sarne e Adam Holden. O trío editou dous álbums, Jitterjuice (Polydor Records) e My Big Hero (Nothing Records). Un terceiro álbum foi producido por Trent Reznor para Nothing Records, pero finalmente nunca sería rematado. Tres temas dese traballo serían lanzados a través da web da banda en agosto do ano 2011.

Ross trasladouse aos Estados Unidos no ano 2000, e dende entón apareceu como programador e produtor en catro álbums de Nine Inch Nails: With Teeth, Year Zero, Ghosts I-IV (onde tamén aparece como co-compositor) e The Slip. Actuou ao vivo coa banda He performed live with the band at their farewell show at the Wiltern. Ademais de en Nine Inch Nails, traballou con Trent Reznor noutros proxectos, nos que se incluían tamén Saul Williams e Zack de la Rocha, e en 2009 co-producíu temas para a reformada Jane's Addiction ao lado de Alan Moulder.

Ademais realizou dúas co-producións con Joe Barresi, o EP de Loverman Human Nurture e o álbum de Coheed and Cambria Year of the Black Rainbow. Tamén producíu discos de Korn e Union of Knives e encargouse de producir ou remesturar cancións para artistas como Grace Jones, Perry Farrell e Telepathe.

En maio de 2010 Ross participou no proxecto How to Destroy Angels, no que tamén estaban Trent Reznor e a muller deste, Mariqueen Maandig.

Cine e televisiónEditar

O traballo de Ross no cine comezou no ano 2004 cando fixo a banda sonora da serie de televisión dos irmáns Hughes Touching Evil coa súa muller, Claudia Sarne, e o seu irmán, Leopold Ross. Dende entón realizou a música para dous proxectos máis dos Hughes: New York, I Love You e The Book of Eli. A banda sonora desta última foi editada a través do selo Reprise Records o 12 de xaneiro de 2010 e gañou nos premios BMI. Ross tamén foi nomeado ao premio "Descubrimento do ano" nos World Soundtrack Awards 2010. O 1 de xullo do 2010 Trent Reznor anunciou que el e Ross encargaríanse da música da película de David Fincher The Social Network. A banda sonora publicouse o 28 de setembro e con ela conseguiron o Oscar. Ross e Reznor volverían a colaborar realizando a música para The Girl With the Dragon Tattoo.