Athlone
| Athlone Baile Átha Luain | |||
|---|---|---|---|
| |||
| Provincia | Leinster | ||
| Condado | Condado de Westmeath | ||
| Poboación | 16.834 hab. | ||
| Densidade | n/d hab/km² | ||
| Altitude | 56msnm metros | ||
| Páxina web | www.athlone.ie | ||
| |||
Cidade da República de Irlanda 
| |||
Athlone (en inglés) ou Baile Átha Luain (lit. Pantano de Luain, en gaélico) é unha localidade irlandesa, capital do condado de Westmeath, cunha poboación duns 17.000 habitantes.
SituaciónEditar
Atópase no centro da illa de Irlanda, no curso do río Shannon xusto despois de pasar o lago Ree, e entre este e o sitio arqueolóxico de Clonmacnoise.
Administrativamente é un enclave entre dous condados (Westmeath e Roscommon), aínda que pertence ao primeiro exceptuando o caso do barrio máis occidental, Monksland, que se atopa fóra de Westmeath e polo tanto fora da provincia de Leinster, polo que tamén é unha localidade entre dúas provincias (Leinster e Connacht).
Tradicionalmente a división vén dada polo río Shannon], pero desta forma a cidade quedaba dividida, quedando por exemplo fóra de Westmeath o castelo ou a catedral, así que decidiuse incluír todo no condado citado, inda que a cidade seguiu medrando.
PersonalidadesEditar
- O tenor John McCormack.
- O político Thomas Power O´Connor.
- O escritor John Broderick.
Lugares de intereseEditar
O seu castelo é o edificio máis visitado polos turistas e foi testemuña de varias batallas de gran transcendencia histórica.
Tamén podemos atopar a súa catedral católica en honra a San Pedro e San Paulo, moi preto do castelo.
Cruzando a ponte que está a poucos metros pásase á parte oriental que, inda que menos monumental, alberga a Igrexa de Santa María (onde foi bautizado John McCormack), o porto de recreo e o centro comercial, que atrae xente de moitos pobos de arredor.
Tamén se atopa o pub máis antigo de Irlanda e de Europa que se conserva, que data do século X. O seu nome vén por Luain, que foi quen fundou o citado bar e debido á súa posición preto dun lago. Aos poucos foise formando a poboación e de feito o bar está pegado á base do castelo.
InfraestruturaEditar
A obra de infraestrutura máis sinalábel é o dique que dá calado a boa parte do norte do Río Shannon e, para poder pasalo, tamén se construíron unhas esclusas con capacidade para dous ou tres barcos de recreo á vez.