Arantxa Tapia
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2022.) |
Arantxa Tapia Otaegi nada en Astigarraga, Guipúscoa o 24 de setembro de 1963, é unha enxeñeira industrial e profesora vasca. Iniciou a súa carreira política en 2005 e é membro do PNV.[1] Dende 2020, é Conselleira de Desenvolvemento Económico, Sostibilidade e Medio Ambiente no Goberno Vasco.[2]
 (2020)  | |
| Biografía | |
|---|---|
| Nacemento | (es) María Aránzazu Tapia Otaegi 24 de setembro de 1963 (60 anos)Astigarraga, España |
 Deputado do Parlamento do País Vasco | |
| 3 de agosto de 2020 – 21 de setembro de 2020 Lexislatura: XII lexislatura do Parlamento Vasco Circunscrición electoral: Guipúscoa | |
| Deputado do Parlamento do País Vasco | |
| 21 de outubro de 2016 – 5 de decembro de 2016 Lexislatura: XI lexislatura do Parlamento Vasco Circunscrición electoral: Guipúscoa | |
 Q89282712  | |
| 17 de decembro de 2012 – | |
 Deputada de España | |
| 2 de decembro de 2011 – 17 de decembro de 2012 Lexislatura: X lexislatura de España Circunscrición electoral: Gipuzkoa (constituency) (en) Electo en: Eleccións Xerais 2011 en España | |
| Datos persoais | |
| Residencia | Zumaia |
| País de nacionalidade | España |
| Educación | Universidade de Navarra - Enxeñaría industrial (1987–1992) |
| Actividade | |
| Lugar de traballo | Madrid Vitoria |
| Ocupación | política (2005–), profesora universitaria , enxeñeira |
| Empregador | Universidade do País Vasco, profesora (1992–2011) TECNUN (en) , profesora universitaria (1987–1992) |
| Partido político | Euzko Alderdi Jeltzalea - Partido Nacionalista Vasco |
| Lingua | Lingua castelá, lingua éuscara e lingua inglesa |
   | |
Traxectoria editar
Formación e carreira profesional editar
María Arantxa Tapia Otaegi naceu en 1963 na localidade de Astigarraga, Guipúscoa[2]. É doutora en enxeñaría industrial pola Universidade de Navarra e entregou a maior parte da súa vida profesional á docencia e a investigación no seo da universidade. É catedrática do departamento de enxeñaría de sistemas e automática na Universidade do País Vasco. Desde abril de 2002 ata xullo de 2005 foi directora da Escola Universitaria Politécnica de San Sebastián, a cal tamén pertence á Universidade do País Vasco.[3] Na súa carreira de investigación participou en múltiples proxectos financiados por institucións públicas e empresas privadas como: Iberdrola, ICS, Rodisa, AHV ou Giroa.
En 2005 pasouse á política deixando parcialmente abandonados os seus labores docentes e universitarios, porén continuou como profesora asociada a tempo parcial na Escola Universitaria Politécnica. Máis adiante, coa vida política máis estabilizada, en 2011 entre xullo e novembro volveu á universidade para ser coordinadora de estudos universitarios do departamento de Enxeñaría de Sistemas e Automatización.
Carreira política editar
Arantxa Tapia apareceu na política en xullo de 2005 cando foi nomeada viceconselleira de Transportes e Obras Públicas do Goberno Vasco. Esta consellería estaba dirixida por Nuria López de Guereñu, do Partido Nacionalista Vasco (PNV).
Tras dous anos no cargo citado foi nomeada deputada de Mobilidade e Ordenación do Territorio no gabinete de Markel Olano da Deputación Foral de Guipúscoa en xullo de 2007. Foi deputada durante 4 anos, ata setembro de 2011, ano en que o PNV perdeu as eleccións forais. Porén, en devanditas eleccións foi elixida como xunteira nas Xuntas Xerais de Guipúscoa polo PNV.
En novembro de 2011 o PNV colocouna como cabeza de lista pola circunscrición electoral de Guipúscoa nas eleccións xerais. O partido obtivo o 22,40% dos votos e Tapia volveu ser elixida deputada.
O 17 de decembro de 2012 incorporouse ao Goberno Vasco dirixido polo Lehendakari Iñigo Urkullu, para o que dous días antes tivo que abandonar o seu escano nas Cortes Xerais. A continuación pasou a ocupar o cargo de Conselleira de Desenvolvemento Económico e Competitividade do Goberno Vasco, no que se mantivo ata novembro de 2016. O 28 de novembro de 2016 foi nomeada conselleira de Desenvolvemento Económico e Infraestruturas no executivo presidido por Iñigo Urkullu, cargo que ocupou ata setembro de 2020.
O 8 de setembro de 2020 asumiu a consellería de Desenvolvemento Económico, Sostibilidade e Medio Ambiente do Goberno vasco presidido de novo polo Lehendakari Iñigo Urkullu durante a XII lexislatura autonómica.
Vida persoal editar
Está casada con Julián Flórez, doutor enxeñeiro industrial, xuntos residen en Zumaia. Ambos destacan por impulsar e defender a presenza do éuscaro no ámbito da enxeñaría e a universidade.[4]
Notas editar
- ↑ Declaración de actividades Congreso [Ligazón morta permanente]
- ↑ 2,0 2,1 "Arantxa Tapia Otaegi.CV". irekia.euskadi.eus. Arquivado dende o orixinal o 20 de febreiro de 2022. Consultado o 5 de abril de 2022.
- ↑ La Escuela de Ingeniería Técnica Industrial cambia de nombre y de sede en San Sebastián El País, 21 de octubre de 2003.
- ↑ [1]|[Ligazón morta permanente]
Véxase tamén editar
Ligazóns externas editar
- Ficha no Goberno Vasco Arquivado 20 de febreiro de 2022 en Wayback Machine. (en castelán)
- Ficha nas Xuntas Xerais de Guipúscoa (en castelán)
- Ficha no Congreso dos Deputados (en castelán)
- Ficha no Parlamento Vasco Arquivado 20 de febreiro de 2022 en Wayback Machine. (en castelán)
- Entrevista a Arantxa Tapia costes energéticos 2022 (en castelán)
- Entrevista a Arantxa Tapia (podcast): Recuperación post pandemia (en castelán)