Aquiles Tacio

Aquiles Tacio (en gr., Ἀχιλλεύς Τάτιος), nado en Alexandría, foi un escritor do século II.

Aquiles Tacio
Nacementoséculo IIxuliano
Lugar de nacementoAlexandría
Falecementoséculo IIIxuliano
Etniaancient Greeks
Ocupaciónescritor
Coñecido porLeucippe and Clitophon
editar datos en Wikidata ]

TraxectoriaEditar

É coñecido por legar unha novela erótica chamada Leucipa e Clitofonte ou as Aventuras de Leucipa e Clitofonte, claramente composta baixo a influencia retórica da Segunda sofística, cara a finais do século II.

Díxose que Aquiles Tacio é dentro da novela o que Eurípides dentro do xénero tráxico: un autor que coñece e usa as convencións do xénero, pero faino xa cunha ironía e un realismo notábeis. Fronte á simplicidade das novelas anteriores, Aquiles Tacio complica o esquema- dentro da armazón folletinesca da novela grega-, aburguesa aos protagonistas, e engade unha boa chea de digresións internas (descricións de animais, estatuas, cadros, relatos míticos, anécdotas etc.) cun virtuosismo un tanto barroco. Esas ekphráseis e historietas intercaladas eran, seguramente, moi do gusto da época, aínda que choquen con nosas convencións novelescas.

Aquiles Tacio resulta un tanto lascivo en contraste co relixioso ton e o sublime de Heliodoro, como xa notaron os bizantinos, que apreciaban moitos estas dúas novelas. O seu texto foi coñecido pronto; no século XVI foi imitado, e traduciuse ao castelán por vez primeira en 1617, por Diego de Ágreda y Vargas.

Véxase taménEditar

BibliografíaEditar

Outros artigosEditar

Outros novelistas en grego helenístico:

Ligazóns externasEditar

  • Aquiles Tacio: Leucipa e Clitofonte.
    • Texto español, con introdución, en Scribd; a obra, a partir da páx. 32 da reprodución electrónica.
      • Texto grego, con índice electrónico, no Proxecto Perseus; ed. de Rudolf Hercher (1821 - 1878). Empregando o rótulo activo "load", que se atopa na parte superior dereita, obtense axuda en inglés co vocabulario grego do texto.
  • Christine Marguet, da Universidade de Vincennes-Saint-Denis (Université Paris-VIII)[1]: De Leucipa y Clitofonte de Aquiles Tacio a la Historia de los amores de Clareo y Florisea de Alonso Núñez de Reinoso: un caso de reescritura novelesca entre traducción y creación.