Antonio Rodríguez Pérez (xornalista)

avogado, xornalista e político galego

Antonio Rodríguez Pérez, finado en Madrid, foi un avogado, xornalista e político galego.

Antonio Rodríguez Pérez
Nacementoséculo XIX
Falecementoséculo XX
Lugar de falecementoMadrid
NacionalidadeEspaña
Ocupaciónavogado e político
editar datos en Wikidata ]

Traxectoria editar

Fillo dunha familia humilde, con panadería en Lugo. Residía en Madrid onde foi redactor de El Imparcial. Próximo a Manuel Viturro Posse, foi deputado nas Cortes Españolas polo distrito de Padrón como independente polo Partido Liberal nas eleccións de 1918, 1919, 1920 e 1923, tendo como representante no distrito a Estanislao Pérez Artime. Foi nomeado Director Xeral de Obras Públicas en setembro de 1923. Posteriormente pasouse á Federación Republicana Gallega (futura ORGA), partido polo que foi elixido deputado pola provincia da Coruña nas eleccións a Cortes Constituíntes de 1931. Nas eleccións xerais de 1933 volveu ser elixido deputado pola mesma provincia como republicano independente polo Partido Republicano Radical. Militou no Partido Nacional Republicano de Sánchez Román. Nas eleccións xerais de 1936 presentouse a deputado integrado na Candidatura Republicana de Centro y Coalición, pero non foi elixido. Coa Guerra civil logrou fuxir a Francia en barco desde Cartaxena. Posteriormente volveu e fixou a súa residencia no Hotel Palace de Madrid, onde morreu.

Vida persoal editar

Casou xa maior con Amelia Sánchez Abril, dunha familia acomodada de Madroñera (Cáceres).[1]

Notas editar

  1. Unión y Trabajo, 8-4-1933, p. 3.

Véxase tamén editar

Bibliografía editar

  • Comoxo, Xosé; Santos, Xesús (2006). Saúde e República (Rianxo 1930-1936) Política e sociedade. Concello de Rianxo. p. 336.