Antón Sánchez García

Antón Sánchez García, nado en Alacant en 1974, é un enxeñeiro técnico, sindicalista e político galego de Anova, do cal foi o portavoz nacional dende 2017 ata 2022.

Antón Sánchez García

Biografía
Nacemento	1974 (49/50 anos) Alacant, España
Actividade
Ocupación	político
Partido político	ANOVA-Irmandade Nacionalista Bloque Nacionalista Galego

Traxectoria

Enxeñeiro técnico en xardinería e hortofruticultura pola Escola Politécnica de Lugo, dedicouse á produción hortícola ecolóxica en Bergondo. Membro do Sindicato Labrego Galego, foi coordinador nacional do sector de horta (2006-2008) e forma parte da dirección nacional. É membro da Xunta Directiva do Grupo de Desenvolvemento Rural As Mariñas-Betanzos como representante do sector agrícola. Concelleiro en Bergondo dende 2007, foi candidato á alcaldía nas municipais de 2011 polo BNG. Militante e membro da Coordinadora Nacional de Anova-Irmandade Nacionalista, é responsable da área de Medio Ambiente e sostibilidade. En 2012 foi candidato de Alternativa Galega de Esquerda ás eleccións ao Parlamento de Galicia pola provincia da Coruña e foi elixido deputado. Nas eleccións ao Parlamento de Galicia 2016 foi elixido deputado por En Marea.

No 2017 sucedeu a Xosé Manuel Beiras como portavoz nacional de Anova, exercendo como tal ata a súa dimisión en xullo de 2022.

Véxase tamén

Ligazóns externas

• Ficha no Parlamento de Galicia Arquivado 24 de novembro de 2016 en Wayback Machine.