Ansemil, Celanova
Santa María de Ansemil é unha parroquia do concello ourensán de Celanova na comarca da Terra de Celanova. No ano 2010 tiña 130 habitantes (67 homes e 63 mulleres) distribuídos en 5 entidades de poboación, o que supón unha diminución de 15 habitantes en relación ao ano 2000.
| Ansemil | |
|---|---|
.JPG) Igrexa de Santa María de Ansemil | |
| Concello | Celanova[1] |
| Provincia | Ourense |
| Poboación | 106 hab. (2017) |
| Entidades de poboación | 5[1] |
| [ editar datos en Wikidata ] | |
XeografíaEditar
É un claro exemplo de dispersión xeográfica minifundista, formada por varias aldeas que teñen á parroquia como vínculo de unión. O minifundio levou consigo o abandono das terras de cultivo, polo que actualmente apenas resisten algúns rabaños de ovellas basicamente para o autoconsumo. É salientable este desaproveitamento que se fai das terras de labradío xa que é unha zona moi fértil ó abundar as fontes e os regatos. Ademais o río Orille discorre polo leste da parroquia formando unha fronteira natural co concello da Bola.
EconomíaEditar
A súa maior actividade económica céntrase no polígono industrial de Celanova situado ó carón da aldea da Lama. Nel destaca a venda e mecánica de automóbiles, os almacéns de alimentos e a manufactura de coellos. Na parroquia tamén existen outras actividades económicas como son a avicultura, a carpintería e a venda de materiais da construción. Por último tamén é de destacar a rehabilitación da reitoral de Ansemil como casa rural sendo unha das poucas ofertas de hospedaxe do concello de Celanova.
FestasEditar
As festas patronais son o 15 de agosto mais a súa celebración varía uns días pola coincidencia coas festas de San Roque do concello de Celanova.
Galería de imaxesEditar
Igrexa de Santa María de Ansemil.
Reitoral de Ansemil.
Aldea da Lama co polígono industrial ó fondo.
Aldea de Feal de Ansemil.
.JPG)
Lugares e parroquiasEditar
Lugares de AnsemilEditar
| Lugares da parroquia de Ansemil no concello de Celanova (Ourense) | |
|---|---|
|
Ansemil | Barrio | Feal de Ansemil | A Lama | Sambades |