Alphonse Daudet

Alphonse Daudet, nado en Nîmes o 13 de maio de 1840 e finado en París o 16 de decembro de 1897, foi un escritor francés.

Alphonse Daudet

Biografía
Nacemento	(fr) Louis Marie Alphonse Daudet 13 de maio de 1840 Nîmes, Francia
Morte	16 de decembro de 1897 París, Francia
Causa da morte	Sífilis
Lugar de sepultura	Cemiterio do Père-Lachaise, 26 Grave of Alphonse Daudet (en)
Residencia	Clamart
Actividade
Campo de traballo	Translations from Occitan (en)
Ocupación	escritor, autobiógrafo, guionista, prosista, novelista, dramaturgo, poeta, escritor de contos
Período de actividade	1859 -
Membro de	Académie de Nîmes (en)
Xénero artístico	Poesía, conto e drama
Influencias	Émile Zola e Edmond de Goncourt
Pseudónimo literario	Piccolo
Obra
Obras destacables (1866) Monsieur Seguin's Last Kid Goat (en) (1868) Le petit chose (en) (1869) L'Arlésienne (en) (1869) Cartas desde o meu muíño (1872) Tartarin of Tarascon (en)
Arquivos en	Biblioteca Beinecke de Libros Raros e Manuscritos
Familia
Cónxuxe	Julia Daudet
Fillos	Léon Daudet, Lucien Daudet, Edmée Daudet
Pais	Vincent Daudet   e Adeline Daudet
Irmáns	Anna Daudet Ernest Daudet Henri Daudet
Cronoloxía
20 de decembro de 1897	Funeral (Sainte-Clotilde Church (en) )
Premios
(29 de decembro de 1886)  Oficial da Lexión de Honra (1875)  Jouy Prize (en) (9 de agosto de 1870)  Cabaleiro da Lexión de Honra
Sinatura
Descrito pola fonte	Svensk Uppslagsbok (pt) Grande Enciclopedia Soviética (1926—1947) Pequeno Dicionario Enciclopédico de Brockhaus e Efron

Traxectoria

Alphonse Daudet naceu no seo dunha familia burguesa da Provenza. O seu pai posuía unha fábrica de bufandas mais ao quebrar o negocio en 1848 a familia trasladouse a Lión. En 1856 Daudet tivo que interromper os seus estudos e comezou a traballar como mestre en Alès durante uns meses, ata que o 1 de novembro de 1857 marchou a vivir co seu irmán Ernest a París.

Daudet comezou a escribir poemas, que recolleu en Les Amoureuses (1858), obra que lle deu unha certa celebridade. Conseguiu un emprego en Le Figaro, e entre 1860 e 1865 traballou como secretario do duque de Morny, ministro de Napoleón III. Trala súa morte Alphonse conságrase case por enteiro a escribir e o ano seguinte publica no xornal l'Evénement, logo dunha viaxe pola súa Provenza natal, Cartas desde o meu muíño co título de Crónicas provinciais, no que retrata en forma de contos as tradicións, a paisaxe e os costumes provenzais e que gozaron de gran popularidade antes da súa aparición en libro en 1869. En 1868 edita Le petit chose, novela autobiográfica na que evoca a súa experiencia como mestre. A novela non tivo éxito, pero si o conseguiu en 1872 con Aventures prodigieuses de Tartarin de Tarascon.

Durante a guerra franco-prusiana Daudet alistouse no exército e participou na defensa de París (1870), asediada polas tropas prusianas, e a súa experiencia bélica quedou reflectida en varios relatos seus.

Daudet foi un escritor próximo ao naturalismo, cun estilo cheo de luz e cor e cun lene humor lírico, evitando sempre o pesimismo. Dende 1884 sufriu unha enfermidade incurable, con dores noite e día, que soportou con estoicismo ata a súa morte.

Obras

• Les Amoureuses (1858),
• Cartas desde o meu muíño (Lettres de mon moulin 1870), Xerais, 1983. Tradución de Víctor F. Freixanes
• Le petit Chose (1868),
• Aventures prodigieuses de Tartarin de Tarascon (1872)
• L'Arlésienne (1872)
• Fromont jeune et Risler aîné (1874)
• Contos do luns (Contes du Lundi) (1875), BIVIR, 2014. Tradución e escolma de Xavier Senín.
• Jack (1876)
• Le Nabab (1877)
• Les Rois en exil (1879)
• Numa Roumestan (1881)
• Sapho (1884)
• Tartarin sur les Alpes (1885
• La Belle Nivernaise (1886)
• Trente ans de Paris (1887)
• Souvenirs d'un homme de lettres (1888)
• L'Immortel (1888)
• Port-Tarascon (1890)