Alfred Korzybski
Alfred Korzybski, nado en Varsovia o 3 de xullo de 1879 e finado en Lakeville (Estados Unidos de América) o 1 de marzo de 1950, foi un enxeñeiro, filósofo e lingüista polonés lembrado por desenvolver a teoría da semántica xeral.
  | |
| Biografía | |
|---|---|
| Nacemento | 3 de xullo de 1879 Varsovia, Polonia |
| Morte | 1 de marzo de 1950 (70 anos) Lakeville, Estados Unidos de América (pt)  |
| Datos persoais | |
| País de nacionalidade | Estados Unidos de América Polonia |
| Educación | Universidade de Tecnoloxía de Varsovia (1898–1902) |
| Actividade | |
| Campo de traballo | Enxeñaría |
| Ocupación | matemático , enxeñeiro , lingüista , filósofo |
| Alumnos | Ida Rolf (pt) e Joseph Samuel Bois (en) |
| Lingua | Lingua inglesa |
| Familia | |
| Cónxuxe | Mira Edgerly Korzybska (1919–) |
| Pais | Wladyslaw Korzybski (en) e Helena Rzewuska (en) |
 | |
 | |
Traxectoria editar
Naceu en Varsovia cando Polonia pertencía ao Imperio Ruso, no seo dunha familia aristócrata e tradicional con antecedentes de matemáticos, enxeñeiros e científicos. Aprendeu polonés na casa, ruso na escola, e francés e alemán de neno con dúas profesoras. Estudou Enxeñaría na Universidade de Tecnoloxía de Varsovia.
Durante a primeira guerra mundial serviu como oficial de intelixencia no exército ruso, mais logo de ferir unha perna e ter outras lesións en 1916 mudouse a América do Norte, primeiro ao Canadá e despois aos Estados Unidos, para coordinar o envío de artillaría ao seu país. Deu unha serie de conferencias para emigrantes poloneses sobre o conflito bélico, promovendo a venda de bonos de guerra.
En xaneiro de 1919 casou coa pintora Mira Edgerly. Establecéronse nos Estados Unidos, e obtivo a dupla nacionalidade en 1940.
Ideoloxía editar
A obra de Korzybski culminou na fundación da teoría da semántica xeral, desenvolvida na súa obra Science and Sanity (1933). En 1938 Korzybski fundou o Instituto de Semántica Xeral, que dirixiu até o seu falecemento. A esencia da obra de Korzybski é a declaración de que o ser humano está limitado no seu coñecemento pola estrutura do seu sistema nervioso e pola estrutura das súas linguas. O ser humano non pode experimentar o mundo directamente, senón a través das súas abstraccións (impresións non verbais procedentes do sistema nervioso e indicadores verbais procedentes da lingua). Por veces as percepciónss e a lingua confunden o home, que cre que son os feitos cos que debe lidar. Defendeu os beneficios de adestrar a toma de consciencia da abstracción a través de técnicas obtidas no estudo da matemática e a ciencia.
Véxase tamén editar
Bibliografía editar
- Villar Ponte, A. (15 de Nadal de 1922). "Unha nova teoría encol do home. A terceira dimensión da vida". Nós (14): 12-14.